Gerîlayanê YJA-Starî Delîla Botan û Medya Koçer ANFyî rê qisey kerd û şehîdê Qirkerdişê Parisî yê 9ê Çeleyê 2013î Sakîne Cansiz (Sara), Fîdane Dogan (Rojbîne) û Leyla Şaylemez (Ronahîye) yad kerdî.

Gerîla Delîla Botan vat: ''Qirkerdişê Parisî bi hawayêkê plankerdeyî ame kerdene. Dewleta tirke vat qey bi hedefkerdişê serkêşanê ma do biresa armancê xo. Ganî ma sey têgêrayîşê cinîyan vera hêrişanê winayênan têkoşînê xo pîlêr bikerê. Ma sey milîtananê PKKyî û şagîrtanê Sara xeta xoverdayîşî xo rê kenê esas.''

Gerîla Medya Koçer vat: ''Îşxalkerî armanc kenê ke bi hedefkerdişê serkêşanê ma yê sey embaze Sara îradeyê ma bişiknê û têgêrayîşê ma yê cinîyan çin bikerê. La qetî nê armancî do raştî nêbê. Ma do hêrişanê dişmenî tim bişiknê. Embaze Sara seba ma çilayêke bîye. A çilaya winayêne bîya ke ameyoxê cinîyan roşnî kerd û ma zî xeta aye de têkoşîn kenê.''