Gerîlayê YJA Starî: Ma do pê têkoşînî ser bikewê

Gerîlayanê YJA-Starî pare kerd ke tewrbîyayîşê cinîyan ê seba têkoşînê azadîye vera koledarîya cinîyan û sîstemê ci cewabo tewr pîl o. Gerîlayan seba têkoşînê rêxistinbîyayeyî venga cinîyan da û vat:''Ma do azadî û serkewtişî pê têkoşînî bivisnê destî.''

Gerîlayanê YJA-Starî bi wesîleya Roja Têkoşînê Ver Şîdetê Serê Cinîyan ANFyî rê qisey kerd.

Gerîlaya YJA-Starî Dîcle Amed vat:''Cinîyê kurdî vera her tewirê şîdetî yê. Ma artêşa xo, hêzê xo yê xopawitişî awan kerdî. Ma têna artêşa cinîyan ê kurdan nîyê artêşa xopawitişî yê pêro cinîyan ê. Ma teda û zulmê vera cinîyan qet qebul nêkenê.''

Gerîla Evîne Efrîn vat: ''Ma do qet vera sîstemê faşîstî sereyê xo nêarê war. Ganî ma têkoşînê xo yê rêxistinbîyayeyî bikerê. Têkoşînê ma yo çekda seba pêro cinîyan o. Ganî cinîyê ciwanî vera şerê taybetî yê dişmenî hayîya xo bibê û xo bipawê.''

Gerîlaya YJA-Starî Arzeba vat: ''Ma sey cinîyan verê xo danê koyanê Kurdîstanî û Rayber apoyî. tewrbîyayîşê cinîyan ê seba têkoşînê azadîye vera koledarîya cinîyan û sîstemê ci cewabo tewr pîl o. Ez venga pêro cinîyan dana ke têkoşînê rêxistinbîyayeyî bikerê. :''Ma do azadî û serkewtişî pê têkoşînî bivisnê destî.''