Gerîlayanê YJA Starî Zîlane Botan û Zîne Tolhildan bi wesîleya 25ê Teşrîna Peyêne Roja Têkoşînê Vera Şîdetê Serê Cinîyan şîdetê serê cinîyan erjna û vat  xopawitiş semedê cinîyan zaf muhîm o.

Zîlane Botan wina vat: ''Cinîye cuye afirnena, afirnayoxê cuye cinî ya. Cinîye estbîyayîş cuye de vejena werte. Ewro cinîyî bi felsefeya Rayber Apoyî, bi slogana ‘Jin Jiyan Azadî’ meydanan de yê. Ma pêrune selam kenê. Ewro vera cinîyan qirkerdişo gird est o. Koyan de vera cinîyan ê ke şervanê azadîye şerêko gird est o. Cinîyî ganî bizanê xo bipawê. Ma sey hêzê YJA Starî vera dewleta tirke şerê girdî kenê. Ma rixmê şuxulnayîşê çekanê kîmyewîyan xover danê. Wa dewleta tirke bizano ke ma do tim vera nê zîhnîyetî şer bikerê. Cinîyî ganî tim waran de bê.''

Zîne Tolhildan zî nê vatî: ''Têkoşîn yeno kerdene la kêm o. Ganî cinîyê ke vera hêrişê serê cinîyan têkoşîn kenê bêrê têhet û xo rêxistine bikerî. Ma koyan de vera artêşa tirke ya faşîste şer kenê û rûhê têkoşînî danê cinîyan ê Rojhelatê Mîyanênî. Cinîyî eke xopawitişê xo mekerê û xo perwerde mekerê komel helisîyeno. Ma sey gerîlayanê YJA Starî slogana ‘Jin Jiyan Azadî’ her ca de vila bikerê. Xopawitiş pawitişê cuye yo û semedê cinîyan îlkeyo esas o.''