Gulîstane Ezîz qala xoverdayîşê Rojawanî yê vera îşxalê dewleta tirke û kênaya xo Dilvîn Qamşlo ya ke şehîd bîye kerde.

Gulîstane vat: "Dîlvîne gonînerm, dibistane de serkewte bîye û keyeyê xo ra zaf hes kerdêne. Dîlvîne tim vatêne ke şerwanê têkoşînê azadîye tim bala aye ancenê. Dima bira daye ke tewrê şerwanan bîba. Seba ke ez dadîye bîye mi zaf paştî nêda na bira aye. Rojêke tewrê şerwanan bîye. Ez şîya a tepîya arde. La wexto ke reya diyîne tewrê şerwanan bîye mi va ke ganî ez hûrmet bimojna bira ci.

Dîlvîne seba ke tewrê şerwanan bibî zaf kêfweş bîye. Mi rojêke ci rê va ez seba to dûa kena. Mi rê va ke 'Têna seba mi ney seba pêro embazan dûa bike'. Mi nêzanayêne ke a zî amebî Serêkanîyê la mi wina hîs kerdêne. Wexto ke mi a televîzyon de dîye ez şa bîye. Dima Serêkanîyê de hêrişî bîyî giran. Wexto ke mi eşnawit teyarayanê şerî taxa Sanîyî se ro bambayan varnenê mi va ke 'Homayê mi Dîlvîne heta ke bikewa destê dişmenan şehîd biba.' Dima mi xebera aye ya şehadetî girewte.Seba ke kênaya mi şehîd bîye ez pê aye sereberz a. Xora zaf bidej o la ez seba şehadetê aye amade bîya. Ma zanayêne ke bedelê ci do giran bibo. Ma do tim xeta aye û embazanê aye ser o bibê. Hînî berpirsîyarîya ma ya winasêne esta ke ma layîqê înan biba."