Wendekara Zanîngehê Munzurî  Gulîstane Doku 5ê çeleyê 2020î de Dêrsim de dîyaye vînîkerdene. 7ê adara 2020î de babîyê verguman Zeynal Abarakovî Engîn Yucelo ke polîs o, waşt ke keyeyê xo bar bikero. Aygule Doku nêverda ke bê ke keye de cigêrayîşo krîmînal bêro kerdene keye bar bikero. Engîn Yucelî vera Aygule Doku dewaya tazmînatî akerde. 

Roniştişê dewa ewro ame kerdene. Engîn Yucel tewrê mehkeme nêbi. Mehkeme seba ke îfadeyê Yucelî bêro girewtene û ke zerar bêro tesbîtkerdene roniştişo bîn 14ê teşrîna verêne rê peyde eşt.

Badê roniştişî keyeyê Doku verê Edlîyeya Dêrsimî de eşkerayîye daye. Keyeyî vat herinda ke kênaya înan bêro vînayene ê raştê zext û hêrişan yenê û yenê muhakem kerdene. Keyeyê Gulîstane vîst vîrî ke seba ke Walîyê o wextî yê Dêrsimî Tuncay Sonel nika Ordu de yo ê do  vera Ordu rayra şirê û vat eke çîyêk bêro înan ser berpirsîyarê nayî sere de Sonel selahîyetdarê dewlete yê ke cewabê persê ''Gulîstane Doku ha ça? ''nêdanê ê yê. Dimayê eşkerayîye keyeyê Doku bi slogana ''Gulîstane Doku ha ça?'' kewt rayîr.  Dayîke Bedrîye Doku ya ke qîrayî û vat kênaya mi ha ça, kênaya bivîne xo ra şîye. Waye Duku vat bado ke dayîka ci bihesîya xo ê do qerar bigêrê se kenê.