Hemsereka Kongreya Komelê Demokratîkî (KCD) Leyla Guven sey 'endamîya rêxistine', 'ronayîşê rêxistine', 'veravejîyayîşê qanûnê çalakîyan' 18 sûcdarîyan ra yena hukmkerdene.Roniştişê dewaya Leyla Guven Mehkemeya Cezaya Girane ya 9. ya Amedî de ame kerdene.

Leyla Guven tewra roniştişî nêbîye. Avûkatê Guvene Serdar Çelebî û Cemîle Turhalli Baskin mehkeme de amade bîyî.

Dozgerîye îdîa kerd ke mabênê KCD û PKK/KCKyî de têkilîye esta û Guvene endamêka 'îdareyê rêxistine' ya.

Dozgerîye seba Leyla Guven 9 serran ra heta 25 serran cezaya zîndanî waşte û 11 sûcdarîyan ra zî beraatê ci waşte.

Seba ke avûkatî pawitişê mutala amade bikerê dewa taloqê 21ê kanûne bîye.