Vervatoxa Meclîsê Cinîyan ê HEDEPî Halîde Turkoglu bi wesîleya Roja Kobanê ya Dinya Merkezê Pêroyî yê HDPyî de eşkerayîyêke daye. 

Halîde Turkoglu nê çîyî ardî ziwan: ''Kobanê bi têkoşînê destanwarî û enternasyonelî ameye azadkerdene. Ma cinîyanê Kobanê selam kenê ke bi felsefeya 'Jin, Jiyan, Azadî' xo ver danê. Kobanê de serkêşîya cinîyan de cuyêka newîye ameye afernayene. Ewro vera statuyê Kobanê û Rojawanî bêtehamulîyêka pîle est a. Îqtîdar bi kîn û nefretî şarê Kobanê hedef keno, waranê sivîlan dano bombayan ver û merdiman  qetil keno. Ma do qetî destekê xo yê seba cinîyanê Kobanê ra fek vera nêdê. Kobanê de serkêşîya cinîyan de cuyêka newîye yena awankerdene û qet yew hêriş û hêz do pê Kobanê nêeşko. 

Seke zanîyeno 2014 de vera hêrişanê cerganê DAÎŞî çalakîyî ameybî kerdene. Naye ra îqtîdarê AKP-MHPyî Dewaya Kobanê vera ma akerde û bi bahaneya na dewa vera HDPyî dewaya qefilnayîşî akerde. Na dewa bi skandalan dewam kena. Embazê ma bi pawitişanê xo roniştişanê dewa de kayan eşkera kenê. Embazê ma hetê mehkemeya camêrdan ra yenê muhakemekerdene. Ma do heta peynî hetê nê embazanê xo de yê. Ma do qetî dewaya xo ra fek vera nêdê û ser bikewê.

Êyê ke hêrişê Kobanê kenê qetî do bin bikewê û rayîro hîrêyîn do ser bikewo. Qet yew hêz nêeşkeno şorişê cinîyan asteng bikero. Ma venga pêro cinîyan û kesan danê ke vera hêrişanê serê Kobanê têkoşîn bikerê û xo rêxistin bikerê. Êyê ke hêrişê Kobanê kenê qetî do bin bikewê.''