Vervatoxa Meclîsê Cinîyan ê DEM Partî Halîde Turkoglu ard ziwan ke bi tayînkerdişê qeyûman şaredarîyanê înan de seba çinkerdişê têdûştîye polîtîkayî afirîyenê, kişîyayîşê cinîyan zêdîyenê.
Meclîsê Cinîyan ê DEM Partî startê bernameyanê 25ê Teşrîna Peyêne Roja Têkoşînê Vera Şîdetê Serê Cinîyan da qezaya Avcilarî ya Îstanbulî de da.
Sere de Vervatoxa Meclîsê Cinîyan ê DEM Partî Halîde Turkoglu xeyê cinîyî tewrê çalakîye bîyî.
Halîde çalakîye de qisey kerd û pare kerd ke cinîyî bi destê dewleta camêrdan kişîyenê û sîstemo nikayên dişmenê cinîyan o. Halîde bale ante ser ke cinîyî ganî vera şîdetê dewlete-camêrdî têkoşînê xo yew bikerê.
Halîde ard ziwan ke seba ke Peymana Îstanbulî bêra caardene ê do têkoşîn û xoverdayîşî pîlêr bikerê.
Halîde vist vîrî ke ancî qeyûmî tayînê şaredarîyan ameyê kerdene û vat: ''Qeyûmî hêrişê waranê cinîyan kenê. Bi tayînkerdişê qeyûman şaredarîyan de seba çinkerdişê têdûştîye polîtîkayî afirîyenê, kişîyayîşê cinîyan zêdîyenê.
Ma do 25ê Teşrîna Peyêne de serewedaritişê xo pîlêr bikerê, kuçeyan de sloganê 'Jin, Jiyan, Azadî' biqîrê û meverdê ke çew îradeyê ma xesp bikero.''
