Bajarê Hamburgî yê Almanya de qetilkerdişê Hemşaredare Seda Feysel El Hermas  û Hetkara ci Hinde Letif El Xidar ê ke bajarekê Til el- Şayîrî de ameyî qetilkerdene  pê çalakîyêke ame protestokerdene.

Çalakîyaa ke hetê Meclîsê Cinîyan ê Rojbîne û pabesteyanê ci ra Altona de ameye kerdene xeylêk cinîyî tewrê ci bîyî. Aktîvîsta heqanê merdiman Anja Flacha ke çalakîye de qisey kerd vat: ''Seba ke cinîyan qetil kenê  ma wazenê dîktatorê sey Erdoganî wa bêrê hukmkerdene. Her guleyo ke hukmatê Almanya dano Erdoganî cinîyêke qetil keno. Eke dewleta Almanya nêwazena nê sûcî rê bibo wertax ganî cade hetkarîya çeke û ekonomîkî bibirno.''

Çalakîye de çarçewa Kampanyaya '100 Sebebê Seba Hukmkerdişê Dîktatorî' de îmzayî ameyî arêdayene.

Çalakîye bi slogana ''Cinî, cuye azadîye'' qedîyaye.