Endama Akademîya Jineolojî, Akademîsyen û Rojnamegere Nagîhane Akarsel 4ê teşrîna verêne ya 2022yî de Silêmanî de verê keyeyê xo de hetê MÎTî ra amebî qetilkerdene.

Embaza Nagîhane Akarsel û endama Akademîya Jineolojî Hêja Zerya ANFyî rê qalê Nagîhane kerd.

Hêja Zerya ard ziwan ke ê û Nagîhane Akarsel Anqara de yewbînî şinasnayê û vat: ''Embaze Nagîhane serebût lez fam kerdêne, lez têkilîye ronayêne. Samîmîyet, waştişê parekerdişî, xîretê qalkerdişî, persayîş cara kesayetê aye de est bîyî. Aye Başûrî ra ver Rojawanê Kurdîstanî de karî kerdêne. Enerjîya aye asta şorişê cinîyan û xorinîya Jineolojî resnaye pê. A Efrîn de Merkezê Cigêrayîşî yê Jineolojî de xebitîyayêne. Aye cinîyan ê êzidîyan de sohbet kerdêne, dewan ra gêrayêne, cinîyan rê îdeolojîya azadîye vatêbe û cinîyî tewrê têkoşînî kerdêne. 

Başûr de zî a wina xebitîyayêne. Kitabxaneyê Berhemanê Cinîyan ê Kurdan û Merkezê Cigêrayîşî yê Arşîvî de aye kitabê cinîyan ê kurdan kom kerdêne. Aye kerdêne ke mîyanê cinîyan ê kurdan de yewîye awan bikera. Heyf ke xeta hemkarîye û xayînîye bîya sebebê şehadetê aye. 

Nagîhane vera mezgê serdestîya camêrdan o ke nasnameyê cinîyan parçe kerdêne cinîyî ardî pêser û cuya  enerjîye vista mîyanê têgêrayîşî. No zî seba serdestîya camêrdan gef bi. Nagîhane bi destekê xayînan hetê dewleta  tirke ra ameye qetilkerdene. 

Nagîhane embazêka winayêne bîya ke kamca de bena wa bina wayîra bawerî û îdîayêka pîle bîya. Aye hêzê agahîyî û zanistîye vistbi destî. Nika vera embazanê ma û şarê ma hêriş û qirkerdişî dewam kenê. La xoverdayîş, têkoşînê Nagîhanan raya azadîye roşnî kenê. Formulê Rayber Apoyî 'Jin, Jiyan, Azadî' şîarê ma yo ke tede xeylêk rayîr û metodê zengînî est ê. Nagîhane zengînî, rengînî û cîyatîyî kesayetê xo de afernayî, pratîk de eşkera kerdî. Coka bi şuxilnayîşê nê îmkanan û bi prosesêkê winayênî ma eşkenê cewabê xo bidê.''