Bajarê Strasbourgî yê Fransa û bajarê Helsinki yê Finlandiya de hêrişê vera HDPyî ke Denîze Poyraz ameybî qetilkerdene, ame şermezarkerdene.

Çalakîya Helsinki ke hetê cinîyan ra ameye organîzekerdene de ama vatene ke berpirsîyarê qetilkerdişê Poyrazê rejîmê AKP-MHPyî yo û vera poltîkaya hêrişkare paştî dîyaye HDPyî.

Strasbourg de zî Platformê Cinîyan semedê şermezarkerdişê hêrişê vera HDPyî çalakîyêke organîze kerde. Qiseykerdişan de ame vatene ke îqtîdarê faşîstî yê AKP-MHPyî no hêriş plan kerd û ard ca. Parlamenterê HDPyî Feleknas Uca û Hîşyar Ozsoy ê ke semedê roniştişê Konseya Ewropa Strasbourg de bî ê zî tewrê çalakîye bîyî.