Komîteya Paştîdayîşê Keyeyanê Şehîdan a PKKyî da pêhesnayene ke kadroyanê înan ra Şaha Hisên (Şaha Dêrik) 1ê teşrîna verêne de Rojawan de rîyê kanserî ra şehîde bîye.

Eşkerayîye de derheqê Şaha Hisên de nê ameyî vatene:

''Hemra Şaha 1968 de dewa Gira Sor Feqe ya bajarê Dêrikî yê Rojawanî de ameye dinya û keyeyêko welatperwerî de bîyî pil. Hemra Şaha ke şehadetê şehîdan zaf ci rê tesîr kerd badê şehadetê hemra Bêrîvane 1989 de tewrê PKKyî bîye. Badê tewrbîyayîşî 2 serrî xebatanê şarî de ca girewt û heme wezîfeyê xo bi serkewtişî ardî ca û şarî ser o tesîrêko pîl verda. Dima seba ke partîye rindêr nas bikero û bireso kesayetîya şorişgêre 1991 de şîye akademîya Mahsum Korkmazî û perwerdeyê xo serkewte qedîna û bi grûbêke şîye  warê Rayberîye. Hemra Şaha ke bi kesayetîya xo ya mutawazîye ameyêne naskerdene eşiqê koyan û xozaya Kurdîstanî bî.

Hemra Şaha serra 2000î de sey mehlima kurdkî domananê rê ziwanê dayîke musna. Badê Şorişê Rojawanî bi ruhêkê fedaîyî tewrê şorişî bîyî û semedê perwerdekerdiş û rêxistinkerdişê şarî keda pîle daye. Bitaybetî zî Efrîn de sey sembolê fedaîye û mutawazîye xebityayî. Hemra Şaha ke wextêk o vera nêweşîya kanserî têkoşîn kena 1ê teşrîna verêne de Rojawan de tewrê kerwanê şehîdan bîyî.

Embaze Şaha şehîda keyeyê ci ya verêne nîya. Waya ci Suzane zî 1997 de bajarê Hacî Umranî yê Başûrê Kurdîstanî de şehîd bîye. Ma sey hemrayanê ci soz danê ke ma do heta peynî rayîrê şehîdan de avêr şirê. Sere de keyeyê emaze Şaha, ma Rayber Apo, keyeyanê şehîdan û şarê kurdî rê serweşîye wazenê. Ma soz danê ke ma do xeyalanê şehîdanê xo bîyarê ca.''

Zanayîşê nasnameyê Şaha Hisêna ke şehîde bîye winayê:

Name û Peyname: Şaha Hisên

Nameyê Qodî: Şaha Dêrik

Maye-Pî: Fatma- Reşîd

Cayê Bîyayîşî: Girê Sor Feqe-Dêrik

Tarîxê Bîyayîşî: 10.02.1968

Tarîxê Tewrbîyayîşî: 1989

Tarîx û Cayê Şehadetî: 01.10.2020 / Rojawan