Hemşaredara HDPyî ya Şemrexî ya Mêrdînî Nalane Ozaydin wezîfeyê ra amebî girewtene û Zîndanê Tarsusî de yena tepiştena. Eşkera bi ke Nalane Ozaydin 3 rojan ra nata pê şikê vîrusê Korona Nêweşxaneyê Dewlete yê Mêrdînî de gerîyaye binê karantîna.

20 rojî verê cû Ozaydine seba nêweşîya astimî û hîsterîye ameye berdene bi Nêweşxaneyê Tarsusî û dima Zîndanê Tarsusî de koxuşêkê cîyayî de ameye cadayene.  Muracatê avûkatan ra dima Ozaydine sewqê Zîndanê Mêrdînî bîye. Ozaydine Zîndanê Mêrdînî de koxuşanê tepişteyan de ameye cadayene. Netîceya tomografîyê Ozaydine ra dima ci rê ''bi şikê pîlî'' teşhîsê Covid-19 ame kerdene. Ozaydine nêweşxane de binê karantîna de ya. Ame zanayene ke netîceya testê Nalane Ozaydin hema eşkera nêbîye.