Hemsereka Konfederasyonê Komelanê Kurdîstanijan ê Almanya Rûkene Akça bi wesîleya 8ê Adare Roja Cinîyan a Dinya venga pêro cinîyan da ke wa vejîyê waran.

Rûkene Akça vat: ''Tradîsyonê têkoşînî yê Sara, Rojbîn û Ronahîyan hetê Hevrîn Xelef, Nagîhan Akarsel, Evîne Goyîyan ra ame dewrgirewtene. Nê cinîyan seba ke serdestîya camêrdan têkoşîn kerdêne ê ameyê qetilkerdene la ewro bi hezaran cinîyî herinda înan de têkoşîn kenê. 

Netîceya têkoşînê cinîyan ê kurdan de ewro felsefeya Jin, Jiyan, Azadî bîya felsefeya pêro dinya. Leyla Qasiman ra heta Zîlanan cinîyan seba cuya azade ganê xo da. Ma şagîrtê nê cinîyan ê. Ma do têkoşînê înan rê heta serkewtişî dewam bikerê coka 8ê Adare de do meydanan de bibê. Ma do dinya bivurnê rengê cinîyan. Ma venga pêro cinîyanê Almanya û dinya danê ke vejîyê waran.''