Hemsereka PJAKî: No serewedaritişê hesabpersayîş o

Hemsereka PJAKî Zîlane Vejîn serewedaritişê vera qetilkerdişê Jîna Emînî sey serwedaritişê sîstem û dewlete ra hesabpersayîşî name kerd.

Hemsereka PJAKî Zîlane Vejîn qetilkerdişê cinîya ciwane ya kurde Jîna Emînî û çalakîyê protestoyê ke semedê aye yenê kerdene ercnayî.

Vejîne vat: ‘’Îran de badê qetilkerdişê Jîna Emînî serhildanan dest pêkerd. Semedê şaranê Îranî hinda dayo çala qirrike. Bitaybetî şexsê cinîyêka kurde de, şexsê cinîyan de serhildanan dest pêkerd. No zî ramojneno ke ne cinîyê kurdan, ne şarê Îranî û ne zî qet cinîyêke nê sîstemî qebul kenê. Têkoşînê cinîyan cayî nîno. No ruhê azadîye zerrî û mezgê her cinî de est o.  Dewleta Îranî tim vera cinîyan û şaran polîtîkaya qirkerdişî rayra bena. No serhidan şexsê cinîyan de, serkêşîya cinîyan de beno. Şarê kurd û Îranî wazenê pê nê serhildanî sîstem, dewlete, sîyaset, qanûn û huqûqî ra hesab bipersê. Wa no hol bêro zanayene; eke yew sîstem de cinîyî sere wedarê o sîstem nêeşkeno payra bimano. Rojhelatê Kurdîstanî û Îran de slogana Cinî, Cuye Azadîye berz bena. Çalakîyan de felsefeya Rayber Apoyî yena wayîrvejîyayêne.’’