Herêma Kurdîstanî de verdayîşî zêdîyenê

Goreyê doneyanê Komîteya Pawitişê Heqanê Cinîyan ê Herêma Kurdîstanî  her menge 848 cinîyî û camêrdî yewbînan ra cîya benê. Goreyê pisporan semedanê înan ra yew zî serranê qijan de zewijîyayîş o.

Goreyê doneyanê Komîteya Pawitişî yê Heqanê Cinîyan a Parlamentoyê Herêma Kurdîstanî 6 mengan de 5 hezar 88 cinîyî û camêrdî yewbînan ra cîya bîyî.

2017 de 5 hezar 729 serebûtê cîyabîyayîşî bîyî û 2018 de na hûmare bîye 9 hezar û 192. Goreyê Avûkate Derune Hemed Emîn semedê verênî yê cîyabîyayîşan serranê qijkekan de zewijîyayîş, ver bi Ewropa koçkerdişê camêrdan, rewşa ekonomîyî û xerab xebitnayîşê toreyanê komelî yê. Avûkate Emîne vat: "Serranê qijkekan de zewijîyayîş tesîrêkê pîlî keno camêrd û cinîyan ser. No zî mabênê camêrd û cinîye de zerrîserdinîye kena ke netîceyê ci de cîyabîyayîşî yenê meydan û nakokî bena."

Komelnas Seywane Ebdullahî zî vat: "Cîyabîyayîş tesîrêk dano keyeyan û ferdan ser. Teyna 2 kesî ney di keyeyî cîya benê. Bi nê hawayî meseleyî mîyanê komelî de benê zêdêr û no zî beno semedê şîdetî. Çareserîya ney zî perwerde û derheqê serranê qijan de zewijîyayîşî de hişyarkerdiş o. Bi rayîrê semîneran, konferansan ganî şar bêro perwerdekerdene."