Qirkerdişanê tewr pîlan ê dinya ra yew zî Şingal de hetê DAÎŞî ra vera cinîyan amebi kerdene. Xoverdayîşê cinîyan ê êzidîyan destanêko pîl nuşt.

Cinîyan ê êzidîyan nê rojan de Şingal de cinîyan ê ereban reyde komxebata bi babeta ''têkoşînê hemparî yê vera qirkerdişê cinîyan'' kerde. Cinîyan ê ereban û êzidîyan na komxebate de meseleyê xo nîqaş kerdî, qala xoverdayîş û serkewtişê cinîyan kerde.

Komxebate bajarekê Til Ezerî yê Şingalî de ameye kerdene. Reya verêne cinîyê ereb û êzidîyî platformêkê hemparî de ameyî pêser.

Cinîyê erebî û cinîyê êzidîyî heman welatî de ciwîyenê la heta nika yewbînan rê xerîb bîyî. Aktîvîste Bidore Elcerah komxebate de vat: ''Sîyaseto ke Iraq de yeno kerdene, ma yewbînan rê dûrî keno. Ma cinîyî sîyasetê xelatî yê polîtîkayanê dinya û Iraqî ra yewbînan rê bîyî xerîb. Heta înan ma kerdî dişmen. La ma cinî yê. Ma ça de benê wa bibê cuyê ma manenê pê.''

Cinîyêka êzidîye zî wina vat: ''Înan na dinya de ma sey gune dîyî. Ma cayo ke tede xo nimnabi ra wexto ke qirkerdiş seyr kerdêne va qey têna ma erzîyayî dinyaya guneyan. Ma dejê cinîyan ê bînan peygoş kerd.''

Qirkerdişanê nê erdî cinîyî yewbînan ra qerifnayî. Cinîyê êzidîyî dima ke felsefeya PKKyî şinasnayî bi lezî vurîyayî. Înan waşt cinîyan ê ereban zî bikerê hemkarê nê serkewtişî. Dêsê ke bi serran mabênê înan de ronîyabî, ameyî rijnayene. Hînî mabên de dês çin o.

Cinîyan ê êzidîyan û ereban na komxebate de bi hawayêkê zelalî qala serebûtan û meseleyanê xo kerde. Kelecanê na komxebate resa pêro Şingal û Iraq. Cinîyan vat: ''Madem heman çîyî ameyî sereyê ma, o çax çira ma pîya têkoşîn nêkerê?''

Ruho ke na komxabe de vejîya werte, cinîyan dormeyê têkoşînî de do bîyaro yewca û bikero nêzdî.