Têgêrayîşê Cinîyan ê Kurdan ê Hollanda bi wesîleya 25ê Teşrîna Peyêne Roja Têkoşînê Vera Şîdetê Serê Cinîyan eşkerayîyêke daye û bernameyê çalakîyan eşkera kerd.

Eşkerayîye Merkezê Komelê Demokratîkî yê Kurdan ê Den Haagî de dîyaye. Vervatoxê Meclîsanê Cinîyan ê Arnhem, Rotterdam, Amsterdam û Den Haagî tewrê eşkerayîye bîyî.

Cinîyê kurd û enternasyonelî do 25ê teşrîna peyêne de saete 15:00 de Binnenwegpleinê Rotterdamî de pîya nawnayîşêk bikerê.

Heman ca de derheqê şîdetê vera cinîyan û xoverdayîşê cinîyan de xeyma agahdarkerdişî do bêra ronayene.

Şaristanê Arnhemî de zî Willemsplein de saete 16:00 de do çalakîyêke bêra kerdene.