Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de zanayîş da.

Eşkerayîya HPGyî de nê ameyî parekerdene:

''Hêzanê ma 24ê temmuze de herêma Heftanînî ya Herêmanê Pawitişî yê Medya de vera dewleta tirke ya îşxalkere çarçeweya Hemleya Şorişgêre ya Cengê Heftanînî de çalakîyî viraştî. Na çarçewe de;

Saetanê sere sibayî de mintiqaya Şehîde Şîlane ya Qilê Qertalî de vera îşxalkeran çalakîyêke ameyî viraştene. Mewzî û stargehê dişmenî hîrê hetanî ra bitesîr ameyî pirodayene. Çalakî de 11 leşkerê dişmenî ameyî cazakerdene û 2 xeymî û 1 mobese ameyî îmhakerdene.

Saetanê cemê şanî de hêzanê ma yê YJA Starî Qilê Şehîd Berxwedanî yê Xantûrî de vera îşxalkeran çalakîya suîqestî viraşte. Na çalakî de leşkerêk ame cezakerdene.

Saetanê şanî de Qilê Dupişkî de leşkerê dişmenî ameyî pirodayene. Çalakîya bitesîre de leşkerêk ame cezakerdene  û 2 leşkerî zî birîndar bîyî.

Nê çalakîyî semedê yadkerdişê hemrayanê ma Zelale, Reşat, Argeş û Zinarî ameyî kerdene.

Çarçeweya Hemleya Şorişgêre ya Şehîd Bagerî û Şehîde Ronya de Çelê ya Colemêrgî de  warê Şîfreza de leşkeranê ke darî birnayêne û mewzîyî nayêne ro ameyî pirodayene. Çalakîya ke 24ê temmuze de ameye virşatene de leşkerêk ame cezakerdene û yew zî birîndar bi.  Badê çalakî herême de operasyonêk dîya destpêkerdene û eynî roje de destveng peyser ame antene.

12ê temmuze de artêşa tirke ya îşxalkere Elbakê Wanî de warê Aşkita de operasyonêko hîra da destpêkerdene. Operasyon 20ê temmuze de destveng herême ra ame antene la waranê Axula, Gozeldere, Aşkîta, Sulavê û Paçan de falîyetê daman dewam kenê.''