Merkezê Îrtîbatî û Çapemenîye yê HPGyî nasnameyê gerîlayan Hebûn Pîro û Botan Osyanî eşkera kerdî ke êlule de pêkewtişanê mabênê gerîlayan û dewleta tirke de, Amed de şehîd bibî.

Eşkerayîye wina ya:

''Embazê ma Hebûn Pîro û Botan Osyan 15ê êlula 2024î de, Eyaletê Amedî de netîceya hêrişan de dişmen de temas kerd û pêkewtişan de şerê qehremanîye de şehîd bîyî.

Wird embazanê ma zî bê hesabî û bi fedayîtî têkoşînê azadîye kerd. Ma soz danê ke têkoşînê embazanê xo rê dewam bikerê û armancanê înan bîyarê ca.

Nê esasî ser o ma sere de keyeyanê şehîdanê xo yê ercîyayeyan rê, pêro şarê Kurdîstanî yê welatperwerî rê serweşîye wazenê.

Nasnameyê embazanê ma yê şehîdan wina yê:

Embazê ma Hebûn Amed de dadîya ra beno. O hema ciwanîya xo de tewrê xebatan beno. Kekê ey embazê ma Hebûn Pîro – Yusuf Taş 2007 de şehîd beno. Naye ser o embazê ma Hebûn bi qerardarî 2013 de Amedî ra tewrê gerîlayan beno. O dima derbazê Herêmanê Pawitişî yê Medya beno. La waştişê xo ser o wextê xoverdayîşê xoîdarekerdişî de derbazê Amedî beno. Embazê ma Hebûn Amed de heta şehadetê xo bi qerardarî û fedakarî xo ver dano. O pêro erk û mesuldarîyanê xo bêkêmasî ano ca û beno fermandarêko marîfetîn. Embazê ma Hebûn kedêka pîle dano têkoşînê azadîye û wina şehîd beno.

Embazê ma Botan Perwarîya Sêrtî de dadîya xo ra beno. O hêverî tewrê ciwananê şorişgêran beno û bi aktîfî xebitîyeno. Dima hetê dişmenî r tepişîyeno. La wexto ke zîndanî ra vejîyeno 2019 de tewrê gerîlayan beno. O Amed de beno wayîrê têkoşînêkê xurtî. Embazê ma Botan bi duristî, fedakarî û jîhatîya xo pêro embazanê ma rê beno nimûne. Embazê ma Botan tim keno ke bibo layîqê şehîdan û Rayber Apoyî. Şehadetê embazê ma Botanî ma rê beno sebebê pîlkerdişê têkoşîn û xoverdayîşî.''