Merkezê Îrtîbat û Çapemenîye yê HPGyî nasnameyê gerîlayêka şehîde bîya eşkera kerd û nê vatî:

"Hemraya ma Onure Artos a ke 2ê temmuza 2022yî de herêma Zapî de şehîd bîye ma aye serrgêra şehadetê ci de bi hurmet yad kenê.

Hemraya ma Onura ke şervanêka cesure û mîtîkanêka fedayî û Apoyî bî, her warî de xeta partîye de gamê pêtî eştî. Sey mîlîtana YJA Starî heme wezîfeyê xo bi serkewtişî ardî ca û nameyê xo tarîxê têkoşînê ma de nuşt, a do çirey mero vîrakerdene.

Ma sere de keyeyê erjîyayeyî yê hemraya xo Onure heme şarê welatperwerî yê Kurdîstanî rê serweşîye wazenê û soz danê ke ma do şexsê aye de waştişê heme şehîdan bîyarê ca.

Nasnameyê hemraya ma Onure Artos wina yo:

Hemraya ma Onure Geliyê Karkarê yê Westanê Wanî de keyeyêkê welatperî de yena dinya, keyeyê ci zextê dewlete ver bar keno şino Îstanbul. Seba ke dewa ci yena rijnayene, zextê dewlete rewî ra nas kena û bi kulturê kurdîtîye bena pîl. Rixmo ke Kurdîstanî ra dûrî ya zî kultur û ziwanê xo pawena û tim vera polîtîkaya asîmîlasyonî vejîyena.  Hemraya ma Onure xebatanê ciwanan de ca gena û çend têkoşîn kena têgêrayîşê ma dahîna hol nas kena. Sey cinîya xoverdayoxe zextanê dişmenî betal kena. 2012 de esîr kewna dişmenî dest û di serrî zîndan de manena. Zîndan de xo perwerde kena aver bena.

Hemraya ma Onure 2014 de verê xo dana koyanê azadan û tewrê refanê gerîlayan bena. Perwerdeyê xo yê verênî herêma Qendîlî d gena û tîya wextêk tewrê xebetan bena. Xebatanê RAJIN - Ragihandina Azad a Jinê de ca gena. Bado ke merdimê ci yê nêzdîyî hemrayê ma Toprak Garzan – Sevda Arvas, Felat Artos – Behçet Arvas şehîd benê, a têkoşînê xo xurtêr kena.  Mektebê Merkezê Partî yê Mazlûm Doganî de perwerde gena û kena ke sey cinîya azade xo newera biafirno. 2019 de tewrê xebatanê Hêzanê Taybetan bena. Wextê hêrişê vera Herêmanê Pawitişî yê Medya ê 17ê nîsana 2022yî de  têkoşînê tarîxîyî yê Zapî de cayê xo gena û tewrê xeylêk çalakîyanê serkewteyan bena. 2ê temmuza 2022yî de hêrişê vera Zapî de hermya ma Onure tewrê kerwanê şehîdan bîyî.''