HPGyî nasnameyê di şehîda eşkera kerdî
HPGyî nasnameyê di şehîdanê Zapî eşkera kerdî û vat: ''Vîrameyîşê ercîyayeyî yê embazanê ma Harun û Azadî do mîyanê têkoşînê ma de tim biciwîyê.''
NASNAMEYÊ ŞEHÎDAN
Merkezê Îrtîbatî û Çapemenîye yê HPGyî nasnameyê di şehîdan eşkera kerdî. Eşkrayîya wina ya:
''Milîtanê fedayî yê partîya ma, embazê ma Azad û Harun 7-8ê tebaxa 2014î de Herêma Şehîd Delîlî ya Rojawanê Zapî de hêrişê dişmenî de şehîd bîyî.
Vîrameyîşê ercîyayeyî yê embazanê ma Harun û Azadî do mîyanê têkoşînê ma de tim biciwîyê. Ma sere de keyeyanê şehîdanê xo yê ercîyayeyan rê pêro şarê Kurdîstanî yê welatperwerî rê serweşîye wazenê.
Nasnameyê embazanê ma yê şehîdan wina yê:
|
|
Nameyê Qodî: Azad Efrîn Name û Peyname: Rizgar Elî Hisên Cayê Bîyayîşî: Efrîn Maye-Pî: Emine – Elî Tarîx û Cayê Şehadetî: 7ê Tebaxa 2024î |
|
|
Nameyê Qodî: Harun Mîra Name û Peyname: Rojhat Şahin Cayê Bîyayîşî: Mûş Maye-Pî: Gulbahare – Abdulbakî Tarîx û Cayê Şehadetî: 8ê Tebaxa 2024î |
Embazê ma Azad Efrîn de dadîya xo ra beno. O 2011 de refanê şorişê Rojawanî de cagêno. O wextê Xoverdayîşê Kobanê de zî cagêno û pêro erkanê xo bi qerardarî ano ca. O şehadetê fermandar Gelhat Gabr-Ercan Kayayî ra dima zî verê xo dano koyan û beno gerîla. O mîyanê gerîlayan de tim embazanê xo rê beno nimûne û tim bi mesuldarî têgêreno. O Zap de tewrê çalakîyanê serkewteyan beno û 7ê tebaxe de zî bi qehremanî şehîd beno.
Embazê ma Harun Gimgimê Mûşî de dadîya xo ra beno. Embazê ma Harun dima ke partîya ma nêzdî ra şinasneno 2015 de verê xo dano koyan û beno gerîla. O Herêmanê Pawitişî yê Medya de erk keno û bi coş û moralî tewrê xoverdayîşî beno. Embazê ma Harun tim gêreno ke derbanê giranan bido dişmenî ro. O bi kesayetê xo yê samîmî, durust û bihêzî şinasîyeno û bi şehadetê xo zî beno bêmerg.''
