HPGyî nasnameyê şehîdanê Heftanîn û Zapî eşkera kerdî
HPGyî nasnameyê gerîlayanê ke Heftanîn û Zapî de şehîd bîyî eşkera kerdî û ê yad kerdî.
HPGyî nasnameyê gerîlayanê ke Heftanîn û Zapî de şehîd bîyî eşkera kerdî û ê yad kerdî.
Merkezê Îrtîbatî û Çapemenîye yê HPGyî derheqê şehadetê 4 gerîlayan de beyanatêk weşana.
Beyanatê HPGyî wina yo:
"Hêrişanê hewayî yê Artêşa TCyî ya îşxalkere de ke 26 û 27ê teşrîna verêne de herêmanê Heftanîn û Zapî de ameyî kerdene 4 embazê ma şehîd bîyî. Zanayîşê derheqê embazanê ma yê şehîdan de wina yê:
Nameyê Qodî: Argeş Cûdî Name û Peyname: Harun Akyol Cayê Bîyayîşî: Şirnex Maye û Pî: Îydîye-Edîp Tarîx û Cayê Şehadetî: 26ê Teşrîna Verêna 2019î / Heftanîn |
Nameyê Qodî: Dijwar Koçer Name û Peyname: Agît Kaçar Cayê Bîyayîşî: Sêrt Maye û Pî: Kûdret-Gorgun Tarîx û Cayê Şehadetî: 26ê Teşrîna Verêna 2019î / Heftanîn |
Nameyê Qodî: Baran Nîdal Dîgor Name û Peyname: Vedat Parlak Cayê Bîyayîşî: Qers Maye û Pî: Bedîa-Mehmet Tarîx û Cayê Şehadetî: 27ê Teşrîna Verêna 2019î / Zap |
Nameyê Qodî: Canfeda Xerzî Name û Peyname: Can Înaç Cayê Bîyayîşî: Êlih Maye û Pî: Çîçeke-Mehmet Tarîx û Cayê Şehadetî: 27ê Teşrîna Peyêna 2019î / Zap
|
Embazê ma Argeş, Dijwar, Baran û Canfeda seba azadîya şarê Kurdîstanî şaristananê cîyayan ê Kurdîstanî ra tewrê gerîlayan bîyî. Her hêla têkoşînî de embazanê ma xoverdayîşêko pîl kerd. Şert û mercanê giranan de zî xeta şorişgêre ra tawîz nêda. Sere de keyeyanê ercayeyan ê embazanê ma Argeş, Dijwar, Baran û Canfeda rê ma pêro şarê Kurdîstanî yê welatperwerî rê serweşîye wazenê û ma soz danê ke ma do alaya embazanê xo ya azadîye berz bikê."