Merkezê Îrtîbatî û Çapemenîye yê HPGyî nasnameyê şehîdêkî eşkera kerd. Eşkerayîye wina ya:

''30-31ê temmuza 2024î de herêma Elkê ya Botanî de operasyonê dişmenî de embazê ma Rêgeş Qelqelîyî heta nefesê xo yê peyênî têkoşîn kerd, ruhê xoverdayîşî yê PKKyî temsîl kerd û bi îdîa û qerardarîya pîle rayraşîyayîşê xo yê azadîye bi şehadetî tacîdar kerd.

Embazê ma Rêgeş Qelqelîyî tim îdîaya xo ya têkoşînî pîlêr kerde û bi wayîrê pratîkêkê serkewteyî. Ma sere de keyeyê ey ê ercîyayeyî rê, pêro şarê Qelqelî û Kurdîstanî yê welatperwerî rê serweşîye wazenê. Ma soz danê ke xeyalê embazê xo Kurdîstanê Azadî û Rayberîya Azade bîyarê ca.

Nasnameyê embazê ma Rêgeşî wina yo:

Embazê ma Rêgeş qezaya Qelqelî ya Wanî de dadîya xo ra beno. O YÎBOyan de waneno û tîya de pê polîtîkayanê asîmîlasyonî hesîyeno. O wexto ke Afyon de zanîngeh de waneno tewrê xebatanê ciwanan beno. 2014 de derdkênaya ey tewra gerîlayan beno. Embazê ma Rêgeş bi tesîrê ney 2015 de  tewrê gerîlayan beno.

O Herêmanê Pawitişî yê Medya de perwerde vîneno û xo aver beno. O tim israr keno ke şoro waranê şerê çetinî. O waştişê xo ser o verê xo dano Wanî. Embazê ma tîya de mewzîyan bi xurtî paweno û pêro erkanê xo bê teredut û bê kêmasî ano ca. Embazê ma Rêgeş tim xeta Apogîran de têkoşîn keno. Şehadetê ey seba embazanê ci bîyo sebebê pîlkerdişê têkoşînî. Ma embaz Rêgeş bi rêz û minetî yad kenê. Ma soz danê ke vîrameyîşê ey Kurdîstanê azadî de bipawê.''