Roniştoxanê Wanî pêvînayîşê Omer Ocalanî yê bi Rayber Apoyî û eşkerayîyê hukmatî ercnayî û bale ante wayûbiratîya têdûşte ser.

Mehmet Sevînço ke kuafor o vist vîrî ke eşkerayîyanê Bahçelîyî ra dima vera Rojawanî hêrişî dîyayê destpêkerdene û vat: ''Hêrişê vera Rojawanî yenê çi mana? Eke qalê haştîye yeno kerdene tek muxatan Rayber Apo yo. La eke nîyetê înan haştîye ya çira hêrişê Rojawan û Başûrî yenê kerdene? Helbet ma haştîye wazenê. Ganî wayûbiratîya tirkan bêra caardene. Ganî mesele wedarîyaye, têdûştî bêra caardene.''

Huseyîn Akdago ke lokantaya ci est a vat: ''Seba ke no şerê 50 serran bi haştîye biqedo ganî muxataban de pêvînayîş bêro kerdene. Muxatab zî Rayber Apo yo. Qiseykerdişê Rayber Apoyî û wedarîyayîşê tecrîdî do bibê gamê pîlî. Ganî Meclîs de mesele bêra nîqaşkerdene.''

Zekî Oruko ke dikana ci ya kundurayan est a vat: ''Ez venga selahîyetdaran dana ke wa ronişê û mesele qisey bikerê. Muxatabê çareserîye Rayber Apo yo. Eke ewro şima çareser nêkerê siba mesele do pîlêr biba. Şerî ra nêbîyêne welat de ewro ekonomî do hendê xirab nêbîyêne. Hinî wextê çareserîya mesele ameyo. Ganî çareserîya na mesele qrubanê sîyasetî nêro kerdene.''