Merkezê Îrtîbatî û Çapemenîye yê HPGyî bîlançoya şerî ya teşrîna verêne eşkera kerde. Eşkerayîye wina ya:

''Gerîlayanê azadîye yê Kurdîstanî vera hêrişanê dewleta tirke ya îşxalkere teşrîna verêne de zî pawitişê şarê ma yo meşrû kerdo, bi xurtî xo ver da û çalakîyê bitesîrî kerdî. Teşrîna verêne ya ke menga serrgêra şehadetê Fermandare Bêrîtane-Gulnaze Karataş û serrgêra ronîyayîşê artêşa cinîyan YJA-starî ya, na menge de têkoşînê gerîlayan ame berzkerdene û dewam kerd. Gerîlayanê ma şexsê embaza ma Bêrîtane û pêro şehîdanê teşrîna verêne de çalakîyê bitesîrî kerdî.

Teşrîna verêne de zî dewleta tirke ya qirkere-kolonyalîste sere de vera Vakurê Kurdîstanî vera pêro eyaletanê Herêmanê Pawitişî yê Medya hêrişanê xo rê bêmabên dewam kerd. Artêşa îşxalkere operasyonanê xo yê vera Vakurî ra bênetîce mende coka bi giranî Herêmê Pawitişî yê Medya dayî bombayan ver. Teşrîna verêne de Herêmê Pawitişî yê Medya 302 reyî bi teyarayanê şerî, 347 reyî bi hekîkopteranê hêrişî, reyêke bi çekanê kîmyewîyan, 2 reyî bi dronanê teqaberan û 101 reyî bi teqaberanê qedexeyan dîyayî bombayan ver. Artêşa îşxalkere bi şuxilnayîşê çekanê qedexeyan û bombardumanan ancî sûcê şerî kerdî. La gerîlayanê azadîye nê hêrişî pûç kerdî. Gerîlayan cewabê lazimî dayî; yewa ci hewayî ra  û 96 çalakîyê erdî bi temamî 97 çalakîyî kerdî. Netîceyanê nê çalakîyan de 1ê ci payeberz bi temamî 36 îşxalkerî ameyî cezakerdene, 11 îşxalkerî birîndar bîyî.

Çalakîya TUSAŞî mesajo raştikên da

23yê teşrîna verêne ya 2024î de, Anqara de çalakîya vera merkezê makînayanê kiştişî yê TUSAŞî zor da dişmenî, şoq kerd, nişka ra da dewleta tirke ya kolonyalîste ro. Na çalakîya ke embazanê ma Asya Alî û Rojger Hêlînî bi hawayêkê bêqusirî, muthîş û serkewteyî kerda, dişmen qelbê ci ra hedef kerd. Embazanê ma bi tewirê fedayîtî her astengîye derbaz kerde, xo resna paytextê dewleta tirke Anqara, hedefê xo dîyar kerdî, bi cesaretêkê pîlî û bi terzê westatîyî da hedefî ro. Ney mojna ke milîtanê Apogîrî yê fedayîyî eke bala xo bidê hedefê xo hinî do nêeşkê bêrê vindartene. Embazanê ma Asya û Rojgerî cendirme, çeteyê paramîlîterî, JOH û POHê dişmenî Anqara de tarûmar kerdî, hedefê xo qasê 74 deqayan kontrol kerd, bi hawayêkê destanwarîyî şer kerd û dişmen kerd bermayîşî ra. Goreyê agahîyanê ke ma di çimeyan ra girewtê na çalakîye de dişmenî qasê 40 kişteyî û 100 birîndarî dayê. Embazanê ma Asya û Rojgerî nîsbetê fedayîtîye mîyanê Tabûra Bêmergan de resnayî lewe. Na çalakîya fedayîye terzê têkoşînê Apogîrî kirişt astêka bîne. Dewleta kolonyalîste kerd ke tesîranê na çalakîye bikêmîna. La nê xîretî betal ê. Çunke çalakîya Tabûra Bêmergan pêro dinya de veng vet, şarê ma rê, yar û neyaran rê mesajo raştikên bi zelalî da.

Embazanê ma Asya û Rojgerî bi mektubanê xo yê manadar, xorin û tarîxîyan erkê ma vistî vîrî û îsbat kerd ke eke milîtanîya apogîre ya fedayîye mil bi milî bêra kerdene do artêşa dişmenî tarûmar bikera. Fedayîyanê ma mojna ke êyê girîngî hûmare, teçhîzatî, îmkan û şertî ney ruho fedayî, terzê cuya raştikêne, eql, afernayîş û caardişî yê. 

Ancî manadar o ke na çalakîya fedayîye serrgêra şehadetê embaze Bêrîtane de ameya kerdene, vera teslîmîyet û îxanetî tewiro milîtanîya Apogîre çendek tûj a. Embaza ma Asya Alî bîye pêncê embaza ma Bêrîtane. Embaza ma Asya bi na çalakîye bîye milîtanêka serkêşe ya xeta azadîya cinîyan. Embaza ma Asya ya ke bi eşqê kurdan vejîyaya rayîrî bi têkoşîn û çalakîya xo resna îfadeyê eşqê kurdanê azadan û bîye sembole.

Ma şexsê embazanê xo Asya Alî, Rojger Helîn û Mehmet Cûdîyî de ma pêro şehîdanê xo bi perwerî, heskerdiş û rêzî yad kenê. Ma soz danê ke sey gerîlayanê azadîye yê Kurdîstanî rêçê şehîdanê xo ra şorê û têkoşînê şehîdan bi serkewtişî tacîdar bikerê.

 

Bîlançoya teşrîna verêne

Bîlançoya şerî ya menga teşrîna verêne wina ya:

Hêrişê artêşa tirke ya îşxalkere

Hêrişê bi teyarayanê şerî: 302

Hêrişê bi helîkopteran: 347

Hêrişê bi çeka kîmyewîye: 1

Hêrişê bi dronanê teqaberan: 2

Hêrişê bi teqaberanê qedexeyan: 101

Şehîdê ma

3 embazê ma şehîd bîyî

Çalakîyê gerîlayan

Çalakîya hewayî: 1

Çalakîyê erdî: 96

Bi temamî: 97

Zîyanê dişmenî

Îşxalkerê ke ameyê cezakerdene: 36

Îşxalkerê payeberzê ke ameyê cezakerdene: 1

Îşxalkerê birîndarî: 11

Êyê ke ameyê îmhakerdene

 

Kepçe:1

Wesayîto leşkerî: 1

Kamyonî: 2

Sîstemê radarî: 1

Dronî: 6

Bombaeştox: 1

Kamerayê mobese: 4

Mewzî: 1

Teqaberî: 80 kîloyî

Êyê ke ameyê derbkerdene

Skorsky: 1

Kepçe: 2

Wesayîtê leşkerî: 2

Traktor: 1

Kameraya mobese: 1

Mewzî: 4

 

Êyê ke dest nîyayo ser

Çeka HK-416î ya ferdî: 1

Şarjor: 1

Guleyî: 30

Çeka lazerî: 1

Fenerê çeke: 1

Kardî: 2

Êlegê Hucumî

Hacetê Bêtelî yê Aselsanî: 1