Gerîla Rojda Apocî kênaya hewramije bîye ke herêma Jawaroyî ya dewa Paygelanî de dadîya xo ra bîye. Rojda wexto ke domane bîye dîyaye zewijnayene û tim maruza îşkence, teda û şîdetî mende.

Gerîla Rojda wexto ke peyê cigêrayîşan de bîye têgêrayîşê Rayberê Şarê Kurdî Abdullah Ocalanî şinasnaye. Rojda gerîlayî şinasnayî û dima tewra gerîlayan bîye.

Gerîla Rojda wina hîsê xo îfade kerdî: ''Mîyanê gerîlayan de cinîyî pê hêzê xo hesîyenê, şîyar benê. Têgêrayîşê Rayber Apoyî wayîrê manayêka felsefîk a. Têgêrayîşê Rayber Apoyî ra naya embazîye zî payan ser o mende yo. Verî Hewraman de cinîyî qîmetîn bîyî. La tesîrê sîstemê modernîteya kapîtalîste û şerîatî ra cinîyî nika maruzê şîdetî benê.  Mi waşt ez cayêk de pê îradeyê xo biciwîya. Ez hema domane bîye zewijîyaye û maruzê şîdetî menda. Mi waşt ez cayêk bivîna û tede nefses bigêra coka ez ameya tîya. Wexto ke mi têgerayîşê Rayber Apoyî şinasna mi dî ke çi ameyo ma sere. Vera sîstemê kapîtalîstî û şerîatî cayê têkoşînî yo tewr pîl no têgêrayîş o. Ganî cinîyî Rayber Apo biwanê, cibigêrê û tewrê têgêrayîşî bibê.''