Heyetê Weşanî yê Jin TVyî  ke derheqê dewrê weşanê neweyî de eşkerayîyêka nuştekîye daye vat: ''Ma dewrê weşanê neweyî de hîna hêzdar yenê.''

Televîzyonê cinîyan Jin TV yo ke bi slogana ‘‘vengê cinî rîyê cuye yo‘‘ 8ê adere ya 2018î de dest bi weşanê kerd, dewrê weşanê neweyî yê 2ine,  2ê teşrîna peyêne (siba) dano destpêkerdene.

Eşkerayîye de dîya zanayene ke dewro weşna neweyî do bi programanê înanê ke Rojawan, Başûr, Rojhilat, Mexmûr, Amed, Îstanbul û merkez de yenê viraştene dewam bikero û ame vatene ke ê do bi kurdkî, tirkî û erebkî heqîqetî biresnê cinîyan. Programo kirdkî  Ca Bi Ca  yo ke  hetê Selvî Ekîcî ra yeno amedekerdene û cayanê tarîxî dano naskerdene ya pîya xeylêk prgoramê aktuel, sosyal, kulturkî, ekolojîk û ê domanan  dewrê weşanê neweyî de ca genê.

Jin TVyo ke weşanê ci yo zaf rengin esto, heme xebatkarê ci cinî yê. Jin TVyo ke netîceya tekoşîne azadîye ke bedelê pîlî daye de ame ronayene veng da cinîyan ke wa înan seyr bikerê û sey muxabîran paştî bidê ci.