Hemsereka verêne ya DTKyî û Hetkara verêne ya Hemserekanê HDPyî Aysele Tugluk rixmê nêweşîyanê xo yê giranan û raporê nêeşkena zîndan de bimana' vera nêdîyena. Seba ke Aysele Tugluk bêra veradayene û tedawî biba Kampanyaya 'Seba Azadîya Aysele Tugluk 1000 Cinîyî' dîyabî destpêkerdene.

4 rojan de 5 hezar cinîyan kampanya îmza kerde û medyaya dîjîtale ser de zî bi etîketê  '#BinlerceAyseliz' (Ma bi hezaran Aysel ê) vilakerdişî ameyî kerdene. Sere de Amerîka, Almanya, Avusturalya, Swîsre, Belçîka, Brîtanya û Fransa xeylêk welatanê dinya ra xeylêk cinîyan paştî daye kampanya.

Eşkerayîya kampanya de ame vatene ke Aysele Tugluk nasnameyê xo ra sebeb yena muhakemekerdene û aye têkoşînê azadîya kurdan û cinîyan de heta nika rolê pîlî kay kerdî.