Têgêrayîşê Cinîyan ê Azadan (TJA) 15ê êlule de seba 4 mengan Kampanyaya 'Ma xo pawenê' dabi destpêkerdene. Kampanya Vakurê Kurdîstanî de bi xebatanê cîya-cîyayan dewam kena. Kampanya  binê 3 serrnameyan de yena îdarekerdene; rêxistinbîyayîş, perwerdeyê ziwanê dayîke û çalakîye.

Endama TJA û Endama Meclîsê Cinîyan ê KESKî yê Mêrdinî Gulîzare Îpek pare kerd de xebatê înan do wextê kampanyayan ê neweyan de zî dewambikerê. Meclîsê Cinîyan ê HDPyî yê Wanî ra Leyla Atsal zî îfade kerd ke karê înan  Wan de cewabêko pîl da sîstemê hîsşmendîya camêrdan.

Gulîzare Îpek vat: ''Ma hewcedarîya rêxistinbîyayîşî,yewîye û tewirê vera şîdetê camêrdan ser o cinîyan de qisey kenê. Meseleyê pêro cinîyan seyci yê. Xoverdayîşê xoîdarekerdişan ra dima cuya cinîyan vurîyaye. Ê cinîyî nika TOKÎ de manenê û mabênê înan de têkilîya çin a. Bi nê hawayî cinîyî keye de ameyî hepskerdene. Îqtîdar seba ke komel bênasname bikero hêrişê cinîyan keno. ''

Gulîzare vist vîrî ke polîtîkayê şerê taybetî zêde tesîrê cinîyan kenê û mîsalê tecawuzker Musa Orhan da ke vatêne 'Mi zaf reyî kerd, ez do reyna bikera. Mi rê çîyêk nêbeno.' Vera kesanê winasênan ma vanê 'ma xo pawenê.' Kampanyaya ma ra dima xeylêk tacîz û tecawuzî eşkera bîyî. Goreyê taybetmendîya her şaristanî ma perwerde amade kerd. Bi nê hawayî ma do berê hîşyarîye abikerê.''

Leyla Atsak zî ard ziwan ke her ca de cinîyan ê kurdan rê qirkerdiş yeno ferzkerdene û vat: ''Wan de asta perwerdeyê cinîyan kêm a. Keyeyê Wanî feodal û muxafazakar ê. Coka Wan de tedaya vera cinîyan zêde ya. Muracatî zêdêr nê rewşan ser o yê. Wan de yeno waştene ke cinîyî vera nê hêrişan bêveng bibê. Ma do nika ra pey kampanyayanê xo de tecrîd biercnê. Tecrîdo nikayên nîşaneya tewr pîle ya cuya cinîyan a.Ma do vera her metodê tecrîdî têkoşîn bikerê.Cinîyî seba azadîye û têdûştîye têkoşîn kenê.''