Baxçeyê Hewselî dinya de namdar ê. Xeylêk keyeyî tede eleqedarê baxçeyê xo benê û seba zimistanî amadekarîya xo kenê. Keyeyî bi nê hawayî debarê xo zî kenê.

Ozleme Bozkurta ke keyeyê xo rê amadekarîyê zimistanî kena wina vat: "Ma ewro seba viraştişê bastêq û meşlûle tîya de yê. Sewbîna ma her roje yenê baxçe karê xo kenê. Êdî hamnan qedîya û ma nêzdîyê zimistanî bîyî. Amadekarîya ke ma seba zimistanî kenê, tewr zêde karê ma şenik kena. Ma bi keda destê xo berardiş kenê.''

Ozleme îfade kerd ke cinî û xoza girêdayê yewbînan ê û wina vat: "Wexto ke ma vanê Hewsel xora cinîyê jîyat û karkerî yenê vîrê ma. Hînî zaf merdimî şaristanan de xoza ra dûrî kewtê û hayîya înan pê fîrazîya xoza çin a. Ma pê berhemanê Hewselî debarê xo zî kenê. Ma wisarî de dest pê ramitişê firîngî, balîcan, kuye, îsotan kenê û ma pê înan amadekarîya zimistanî kenê."