Şaristanê Kerkûkî yê Başûrê Kurdîstanî de hetê Akademîya Cinîyan ê Rayberan û Komîteya Cinîyan a Neteweyan ê Yewbîyayeyan ra reya verêne cinîyan ser o konferansêk ame kerdene.

Konferanso ke bi şîarê 'Seba vergirewtişê şîdetê vera cinîyan heta 2030î paştî bidê pê' ame kerdene xeylêk temsîlkarê rêxistinanê cinîyan tewrê ci bîyî.

Îdarekara Merkezê Pawitişê Cinîyan ê Kerkûkî Hela Ebd derheqê konferansî de qisey kerd û vat: ''Ma reya verêne derheqê şîdetê vera cinîyan de konferansêk kerd. Ma konferans de şîdet, çareserîyanê şîdetî, ekonomî, îmkan, paştdayîş û  hewcedarîyanê cinîyan ser o nîqaşî kerdî. Ma hêvî kenê ke no konferans vera şîdetê serê cinîyan û çareserîyanê meseleyanê cinîyanê Kerkûkî do bibo gamêka verêne.''