Keyeyê Cinîyan ê Reqa 1101 dewayan de terefî ardî werê

Komîteya Pêkerdişê ya Keyeyê Cinîyan ê Reqa serra 2019î de 1101 dewayan de terefî ardî werê.

Keyeyê Cinîyan ê Reqa yo ke 11ê tebaxa 2018î de ame awankerdene seba ke meseleyanê cinîyan çare bikero xebitîyeno. Zaf komîteyî pabesteyê Keyeyê Cinîyan ê Reqa yê û mîyanê nê komîteyan de zî komîteya  werêardiş esta. Nê komîteyan de 54 cinîyî xebitîyenê.

Endama Komîte ra Cîhane El Hasan îfade kerd ke ê armanc kenê ke meseleyanê cinîyan çareser bikerê.

Komîte çarçewa xebatanê xo de serra 2019î de 1101 dosyayan de terefî  ardî  werê. Babetê nê dosyayan zî exlebî zewijnayîşê domanan, zewijîyayîşê bi zaf kesan, mîras û meseleyê keyeyî yê.

Serra 2020î de 42 meseleyî resayî Komîte ke înan ra zaf meseleyî derheqê verdişê zewajî de  yê. 

Cîhane El Hessen derheqê metodanê çareserîya meseleyan de vat: ''Ma derheqê serebûtî de awil cigêrayîşêkê hîra kenê. Ma dosyaya şîdetê vera cinîyan erşawenê mehkeme. Dewayanê verdişê zewajî de zî ma reya verêne armanc kenê ke keye bipawê. Eke no mumkîn nêbo bi waştişanê terefan ma verdişê zewajî anê ca.