Vizêr şaristanê Kerkûkî yê Başûrê Kurdîstanî de têkoşer û fermandare Firyale Xalid (Zelale Ciger) netîceya suîkastî de amebî qetilkerdene. Meclîsê Keyeyanê Şehîdan ê Kantonê Efrîn û Şehba derheqê babete de eşkerayîyêke daye.

Eşkerayîye de ame parekerdene ke qetilkerdişê Firyale Xalid raşta raşte bi dewleta tirke eleqedar o û no suîkast hetê MÎTî ra ameyo kerdene.

 Meclîsî bêvengîya vera sûcan û suîkastanê dewleta tirke şermezar kerde û vat: ''Wextê ci ameyo ke dewleta tirke hetê rêxistinanê mîyanneteweyîyan ra bêra vindarnayene û sûcê ci bêrê cezakerdene. Ma veng danê ke wa seba cigêrayîşê nê suîkastî komîteyêka xosere ya mîyanneteweyîye bêra awankerdene û raştîyî bêrê eşkerakerdene.''