Hemsereka Meclîsê Til El Şayîrî yê Hesekê Seda El Feysel El Hermes û Hetkara ci Hinde Letîf El Xidêr roja îneyî hetê kesanê nenasan ra ameybî remnayene û kiştene. Rêxistinanê Cinîyan ê Rojawanî kişîyayîşê Hemsereka Meclîsê Til Şîyar Seda Feysel û Hetkara ci Hinde Letîf şermezar kerd.

Qamişlo

Rêxistina Sara ya Têkoşînê vera Şîdetî, Kongreya Starî û Meclîsê Qezayanê Qamişloyî eşkerayîyî dayî û înan da zanayene ke cinîyê têkoşerî roşnî û rûmetê Şorişê Rojawanî yê. Cinîyan bi xurtî qirkerdiş şermezar kerd.

Heleb

Heleb de Rêxistina Kongreya Starî ya Şêmeqsûd û Eşrefîye eşkerayîyî dayî û rêxistine da zanayene ke cergê dewleta tirke îradeyê cinîyan hedef gênê. Cinîyan vat: ''Heta îşxalê dewleta tirke nêqedê ma do nêvinderê.''

Amûde

Kongreya Starî ya Amûdê pê beşdarîya endamanê xo eşkerayîyêk daye û qirkerdişê cinîyan şermezar kerd. Kongreya Starî soz da ke ê do destkewteyanê cinîyan bipawê.

Hetê bînî ra Rêxistinanê Kongreya Starî yê Til Hemis, Til Birak, Tirbesipî, Hesekê, Kobanê û Şehba zî pê eşkerayîyêke qirkerdişê cinîyan ê serkêşan şermezar kerd û sozê berzkerdişê têkoşînê cinîyan da.