Koordînasyonê KJARî bi wesîleya 8ê Adare mesajêk pare kerd. KJARî pare kerd ke ê do pê ruhê Hemleya Azadîye ya Rayberê Şarê Kurdî 8ê Adare pêşwazî bikerê û xoverdayîşê xo biresnê asta tewr berze.

KJARî mesajê xo de 8ê Adare Roja Cinîyan ê Kedkaran a  Dinya fîraz kerde û venga pêro cinîyan da ke seba ameyoxê têdûşt û azadî têkoşîn bikerê û xo rêxistin bikerê. KJARî ard ziwan ke nika tewr zaf ê hewceyê nê ruhî yê. KJARî da zanayene ke ê do Rojhelatê Kurdîstanî de pê şîarê 'Ma do qirkerdişê cinîyan vindarnê' 8ê Adare fîraz bikerê.

KJARî vat: ''Rejîmê Îranî pê tacîz, tecawuz û qirkerdişan keno ke verê têkoşînê cinîyan bigêro. La cinîyê Rojhelatê Kurdîstanî her wextî ra zêdêr şîyar ê. Çar parçeyê Kurdîstanî de estbîyayîş de israrê cinîyan beno çimeyê têkoşînê kurdan.

Rayber Apo seba ke îradeyê kurdan bêro şiknayene Îmrali de binê tecrîdêkê mutlaqî de tepişîyeno. Ma do 8ê Adare de vera tacîz, tecawuz, îstîsmarê domanan û kiştişan yewîye cxo ronê.

Ma ganî pê xoverdayîşî pîya faşîzm û qirkerdişê cinîyan ra hesab bipersê. Ma Garê de dî ke gerîlayan senî destanê xoverdayîşî nuşt. Ma ewro zêdêr hewceyê xopawitişî yê. Ganî cinîyî pêro waran de xopawitiş û rêxistinîya xo hêzêr bikerê.

Seserra 21. seserra cinîyan a. Ganî ma vera aqlê camêrdan na seserre de meydanan de bibê. Kolonyalîzm û faşîzm do bin bikewê, cinîyî do ser bikewê.''