Koordînasyonê KJKyî bi wesîleya serrgêra 21. ya Komployê Mîyanneteweyî ya 15ê Sibate eşkerayîyêka nuştekîye weşanaye. KJKyî komplo bi hawayêkê xurtî şermezar kerd û şehîdê ''Şima nêeşkenê roja ma tarî bikerê'' yad kerdî.

Eşkerayîya KJKyî wina ya:

''Na roje têna seba şarê kurdî ney seba pêro şaranê dinya rojêka reş a. Rayberê ma bi tewirê xo yê îdeolojîkî, polîtîkî û cuye Rojhelato Mîyanên temsîl kerdêne. Qet qebul nêkerd ke bikewo kontrolê hêzanê hegemonîkan. Rayber Apo pêro cuya xo de bi astêka berze de karê azadîya cinîye ercnayî, aver berd. Serranê 1990î de vat 'Şerto verên ê şorişgêrîye nêzdîtîya raştîye ya azadîya cinîyan o.' Ma reyna wazenê vajê ke Rayberê ma Abdullah Ocalanî têna rayberê kurdan ney rayberê azadîye yê şarî û cinîyanê pêro dinya yo. Rayberê ma raştîya cinîyan sîstemê pederşahî ra vet û raştîya cinîyan eşkera kerde.Awankerdişê sîstemê îşkenceyî yê Îmraliyî têna sîstemêk nîyo ke hetê Tirkîya ra ame awankerdene, sîstem o ke sîstemê pederşahî cinîyan û şaran ser o ferz keno. Oyo ke Îmrali de yeno tecrîdkerdene têna Rayber Apo ney, şexsê ey de waştişê cuya azade, demokratîke, ekolojîke ya cinîyan, şaran û bawerîyan o.

Rayberê ma pêro cuya xo de bi pêşnîyaz û karanê xo yê artêşbîyayîşê cinîyan, partîbîyayîşê cinîyan, jineolojîye, xopawitişê cinîyan, awankerdişê sîstemê cinîyan, hemserekîye û temsîlîyetê têduştî ser o kerd ke cinîyî aver şorê. Şert û mercanê giranan ê Îmraliyî de zî bi îdeolojî û vînayîşê xo gamê pîlî eştî ke cinîyî zî asta serdeman de gaman bierzê.Rayber Ocalan dosto rastikên ê cinîyan o. Şorişê cinîyan ê Rojawanî yo ke nika seba pêro dinya bi çimeyêk berhemanê Rayberê ma ra yew o.Naye ra ma Komployê Mîyanneteweyî yê 15ê Sibata 1999î yê vera Rayberê ma heman wextî de komployêkê vera cinîyan, vera tarîxê azadîya cinîyan vînenê. Bi nê komployî ame waştene ke derbeyêka pîle waştişanê azadîye yê cinîyan ro bêra dayene û cinîyî koletîye rê mehkum bikê.

Ma nê komployî qet qebul nêkenê. Rayberîya dewleta tirke ya faşîste de xîret kenê ke komplo bidê dewam kerdene. Heta ke dêsê Îmralîyî bêrê rijnayene ma do têkoşînê azadkerdişê Rayberê xo dewam bikerê. Bi şîara 'Azadîya Rayberê ma azadîya cinîyan a' ma do vera îşkenceyê Îmraliyî, polîtîkayanê qirkerdişê cinîyan, xîretanê çinkerdişê şarê kurdî her ca de rayîrî ra şorê. Ma do xoverdayîş pîlêr bikerê. Bi coşê ruhêkê fedayîyî ma do seba azadîya Rayberê xo, cinîyan, şarê xo û şaran bixebitê.Ma venga her kesî danê ke serrgêra 21. ya Komployê Mîyanneteweyî de cuya azade awan bikerê, çalakîyanê seba azadîya Rayberîye xurtêr bikerê û her şaristan, taxe, kuçe, keye, kargeh, zîndan, koy bivurnê cayê xoverdayîş û azadîye.''