Koordînayonê KJKyî derheqê şehadetê kadroyanê PKKyî ra Şaha Hisên (Şaha Dêrik) a ke 1ê teşrîna verêne de Rojawan de rîyê kanserî ra şehîde bîye, de eşkerayîye daye.

KJKyî vat: ''Embaza Şaha ke zulmê vera kurdan qebul nêkerd, dima ke fîkrê Rayber Apoyî musayî tewrê têgêrayîşê azadîye bîye û her tim hemrayîya Hakî, Mazlûm  û Kemalan xo rê esas girewte. Seba ke embaze Şaha cuya ra zaf heskerdêne vera kanserî têkoşînêko pîl da. Embaze Şaha bi tewirê xo ramot her kesî ke a senî xeta Rayberîye de şer kena. Rayraşîyayîş ê 31 serran de nefes bi nefesî xebatî rayra berdî û fedakarîye pîlî ramojnayî. Embaze Şaha heme qezancanê têgêrayîşê azadîye yê cinîyan rê şahîde kerde ke aye zî semedê nê qezancan têkoşîn kerd û heme wezîfeyê xo biserkewtiş ardî ca.

Tim vatêne; 'bî çend serrî ma hema Rayberîye mabênê çar dêsan ra nêvet' xo Rayber Apoyî rê deyndar hesibaneyêne. Nêweşîya ci biye sebebê nêvînayîşê Rayber Apoyî. Şehadetê embaze Şaha semedê têgarayîşê ma vînîkerdişê pîl o. Ganî şarê ma yo welatperwer wayîrê embazanê ma yê şehîdan vejîyo. Ma şehîdan rê deyndarê. Seba ke ma deynê xo bido ma ganî Rayber Apoyî bikerê azad û îşxalkeran erdê xo ra vejê. Waştişê embaza Şaha no bi.

Bitaybetî cinîyê ciwanî ganî wayîrê têkoşînê embaze Şaha vejîyê. Nê demî de çîyo ke ma ra yeno pawtine vera îşxalkeran serewedaritiş o. Ma sey KJK do tim rêça Şaha de bê. Bi ruhê embaze Şaha ma do Rayber Apo û Kurdîstanî bikerê azad. Bi na wesîle ma reyna vanê şehîdê ma yê bêmergî do tim zerrî û mezgê de biciwîyê. Ma şexsê embaze Şaha de heme şehîdanê xo yad kenê û sozê serkewtişî newe kenê. Ma keyeyê embaze Şaha û heme şarê Kurdîstanî rê serweşîye wazenê. No dej ganî semedê keyeyê ci û heme embazanê ci yê têkoşînî bibo xirsê qesasî.''