Koordînasyonê KJK'yî bi eşkerayîyêka nuştekîye da zanayene ke xoverdayîşê grevê vêşanîye ser kewto û zemînêko xurt afernayo.

Eşkerayîye de ame vîrardene, grevê vêşanîye û rojeyê mergî tarîxê merdimîye de çalakîyê tewr bizehmet ê ke îrade û qerardarîye wazenê yê.

KJK'yî da zanayene, dinya de reya verên a ke serewedaritişêk bi nê hawayî  bêîtaatîya sivîle ya ke bi hezaran kesî tewrê ci bîyî ser kewto.

KJK'yî sere de Leyla Guvene û heme xoverdayoxî silam kerdî û Ûmût Acar, Ûgûr Şakar, Zulkuf Gezen, Ayten Beçete, Zehra Saglame, Medya Çinare, Yonca Akici, Siraç Yuksek û Mahsûm Pamay bi rêzdarî û mînetdarî yad kerdî.

KJK'yî da zanayene, hemberê tecrîdkerdişê Rayberê Şarê Kurdî Abdullah Ocalanî vinetiş, hemberê sîstemî kolanyalîstî yê merdimîye û cinîyan de vinetiş o û ame vatene, “Nê bingeyî ser o, netîceyê qedênayîşê xoverdayîşê grevê vêşanîye yê vera tecrîdê Îmralîyî de berêko newe ame akerdene.”

KJK'yî bale ante serê xoverdayşê dayîkanê leçegsipîyan û ame vatene, bi grevê vêşanîye yê bi serkêşîya cinî û çalakîyanê bicesaret û fedakara dayîkanê leçegsipîyan faşîzmê camêrdano serdest xeylî kewt tengasîye.

KJK'yî da zanayene, bi nê çalakîyan ê bi serkêşîya cinîyan, têkoşînê azadîye rest merheleya muhîme û naye ra dima xebatî xurtir do bêrê rayra berdene. Bi na hemle cinîye Rojakewtena Mîyanêne, bi taybetî cinîyê Kurdan bîyî wayîrê hişmendî û qerardarîya muhîm a azadîye. “