Koorînasyonê KJKyî bi eşkerayîyêke bale ante qirkerdişê cinîyan û xoverdayîşanê cinîyan ser. Eşkerayîye wina ya:

' 'Sîstemê modernîteya kapîtalîste û sîstemo feodal mîyanê krîzan de yo û keno ke bi kolonîzekerdiş û destsernayîşî krîzan ra bixeliso. Şerê Dinya yo 3. bingeyê cînsîyetperwerî û dinperestîye de yeno kerdene. Şerê dinya bi kerdişanê sey dişmenîya cinîyan, mudaxeleyê bedenê cinîye û qirkerdişê cinîyan yenê kerdene. 

Sere de Îran, Afganîstan, Hindîstan, Kurdîstan, Tirkîya, Bangladeş, Lîbya, Amerîkaya Latîne dewletê neteweyî kenê ke bi şerê vera cinîyan krîzan ra bixelisê. Bi Peymana Şingalî PDK, dewleta tirke û Iraqî wazenê ke PADÊ biqefilnê, YBŞ û YJŞyî tasfîye bikerê. PDK, dewleta tirke û Iraq vera Şingalî îtîfaqêkê DAÎŞî yê nimiteyî kenê. No îtîfaq mojneno ke cinîyî konseptê hêrişan de têrî yê.

Qirkerdişê cinîyan asta fîzîkî, sîyasî, ekonomîk û exlaqî de yeno kerdene. Eke ma vera ney çalakîyanê xo, rêxistinîya xo û pawitişê xo nêkerê bi hawayêkê trajîkî do bin bikewê. Şîarê Jin, Jiyan, Azadî pêro dinya de bîyo şîarê xoverdayîşî. Vera tecawuz û cînayetanê cinîyan Hindîstan de serewedaritişê cinîyan û grevê kedkaranê weşîye, Afganîstan de çalakîyê cinîyan ê vera rejîmê Talîbanî û çalakîyê vera biranê îdamî yê Îranî seba xoverdayîşê cinîyan û têkoşînê azadîya cinîyan prosesêko girîng o. Ma serewedaritişanê cinîyan ê Afganîstan û Hindîstanî sey xoverdayîşêkê xopawitişî selam kenê û venga pêro têgêrayîşanê cinîyan danê ke nê xoverdayîşan pîlêr bikerê. Ma zî bi zerrîya xo hetê cinîyanê afrîkayîj, ereb, fars, hînd, afgan û pêroyînan de yê.

Wext wextê ci yo ke ma bi şîarê 'Jin, Jiyan, Azadî' cepheyê azadîye, xoverdayîşî û xopawitişî pîlêr bikerê, sîstemê konfederalî yê cinîyan awan bikerê û azadîye bikerê tercîho yewin. Ê xoverdayîşê ke rêxistinîya nînan çin ê do nêeşkê heqê sîstemî ra berê. Coka ganî ma xo ver bidê, xo rêxistin bikerê û ser bikewê. Wext wextê ci yo ke cinîyî hêzê xo yew bikerê.''