Koordînasyonê Komalên Jinên Kurdistan (KJK) derheqê hêrişanê dewleta tirke yê vera Rojawanî de eşkerayîye daye û nê vatî:

''Dewleta tirke ya îşxalkere Rojawan de qirkerdiş kena. Verê çimanê heme dinya de bi teyarayanê şarî, droneyanê çekdaran û çekanê giranan şarê ma, cinîyan, ciwanan û şervanê ke semedê pawitişê herra xo têkoşîn kenê hedef gena û qetil kena.

Herra ke tede  şarê kurd, ereb, suryanî, tirkmen, ermenî pîya ciweyênî, hêrişê ci kenê û sere deTişrîn, Qereqozax, Girê Sipî û Til Temîr û Kobanê de eşkera sûcanê şerî kena. Rojanê peyênan de şaro ke semedê pawitişê  awe, herre û enerjîya xo xover dano hedef yeno girewtene. Konvoyî, ambulansî, şaro sîvîl ê Awbendê Tişrînî ameyî hedefgirewtene. Bi desan merdimê ma ameyî qetilkerdene.

Vizêrî û ewro bi hewayêkê elçaxî verê çimanê pêro rayapêroyîye de şarê ma yeno hedefgirewtene û qetilkerdene. Ma şehîdanê xo bi mînet û hurmetî yad kenê, birîndaran rê şîfa wazenê. Şehîdî vengdayîşê xoverdayîşî yê.

Hinî wextê qalekerdişî,eşkera û vengdayîşan nîyo. Wext wextê xoverdayîşî, merhaleya tewr berze de têgêrayîşî yo. Sere de cinîyî heme şarê ma ganî bêteredutî bi ruhê 6-8ê teşrîna verêne wirzo payan ser, xover bido û bi ruhê serhildanî Vakur, Başûr, Rojawan û teberê welatî de wirzo payan ser.

Dewleta tirke ya faşîste dişmena kurdan a, vera heme destkewteyan û erjanê kurdan eşkera şer îlan kerdo. Ganî heme şarê ma yê Rojawanî verê xo bido Tişrînî, şarê Vakurî zî sere de sînoran de her warî biaçarno warê xoverdayîşî. Roje roja wayîrvejîyayîş destkewteyanê Rojawanî ya. Roje roja xoverdayîşî ya. Beno ke siba bibo erey.

Ma veng danê heme rayapêroyîya hîsgêre û dostanê xo ke wa tewrê nê xoverdayîşî bibê.''