Koordînasyonê KJKyî derheqê qetilkerdişê Narîne Guran de  eşkerayîya nuştekîye daye  û vat: ''No kiştiş bi serê xo kiştişêko  bêrehm ê rejîmê qirkerdişî, daîreyê kontragerîlayî û sîstemê harbê taybetî yo.''

Eşkerayîya KJKyî ra qismêk wina yo:

''Vera qetilkerdişê Narîne Guran dejê ma bêterîf ,hêr û îsyanê ma pîl o. No cehnemo ke semedê kurdan, cinîyan û şaran ame afrinayene û yeno waştene bêro afirnayene qurbananê ci yê peyênan ra yew zî Narîn a. Mekanîzmaya ke Narîne qetil kerd polîtîkaya taybet û sîstematîke ya îqtîdarî ya vera kurdan û cinîyan a. No kiştiş bi serê xo kiştişêko  bêrehm ê rejîmê qirkerdişî, daîreyê kontragerîlayî û sîstemê harbê taybetî yo.

Kurdîstan de vera têkoşînê azadîye yo ke serkêşîya cinîyan de yeno rayraberdene, bi polîtîkaya destcieşiş, narkotîk û fuhuşî yeno waştene ke komel bêro helisnayene.Şexsê Narîne de no kiştişo birehmet vejîya werte. No kiştiş hende giran o ke protesto û nêrabîyayîş qîm nêkenê. Narîne ma pêrune rê yew wezîfe û berpirsîyarîye verda. Ganî vera rejîmê dişmenê cinîyan ke polîtîkaya helisnayîşê komelî rayra beno têkoşîn bêro xurtkerdene û sere bêro wedaritene.

Persanê sey Narîne qey ameye kiştene, kam Narîne kişt, Narîne çi dî ke ameye qetilkerdene wêter ganî no sey polîtîkaya dewlete bêro vînayene û eynî wextî de semedê cewabê nê persan têkoşîn bêro xutkerdene. Cewabê nê persan şarê kurdî û cinîyî zaf hol zanê. Çimê Narîne şahîde nê helisyayîşî û polîtîkayanê vergirewtişê têkoşînê azadîye yê cinîyan û tewirê azadî yê kurdan ê. Ganî têkoşînê azadîye yê cinîyan ramojno ke Narîne çî dîyo û nê şebekeyê kiştoxî ra hesab bipers o. Ganî semedê roşnkerdişê kiştişê Narîne û nê rejînê qirkerî ra xelisnayîşê domananê ma cinî û şarê ma têkoşînî xurtêr bikerê.''