Koordîsnayonê KJKyî bi wesîleya serrgêra Fermanê Şingalî yê 74. eşkerayîyêke daye û nê vatî:

''3ê Tebaxa 2014î de çeteyê DAÎŞî ke dişmenê cinîyan û merdimîye yê hêrişê şarê êzidî yo  ke  bingeyê têgêrayîşê azadîye yê ma yo, kerd. Bi wesîleya serrgêra Qirkerdişê Şingalî ma şehîdanê xo bi hurmet yad kenê. 3ê Tebaxe eynî wextî de sey qirkerdişêk û qikerdişêkê cinîyan tarîxî de cayê xo girewt. No tarîx de bi hezaran êzîdîyî vêrê çimanê dinya rîyê îtîqat û nasnameyê xo ra ameyî qetlkerdene û raştê qirkerdişî ameyî. Reyna bi hezaran cinîyî hetê çeteyanê wehşîyan ra ameyî remnayene, bazaran de ameyî rotene, raştê tecawuzî ameyî û ameyî qetlkerdene. Hema zî aqibetê bi hezaran cinîyan nîno zanayene.

Înanê ke o wextî de Şingal çeteyanê tecawuker û îşxalkeran rê verda û remayî ê zî do nêrê vîrakerdene. Badê îşxalî rayberîya gerîlayan de bi xoverdayîşê şarî Êzidxan, Şingal ame xelisnayene. Tarîxê şarê êzidîyan bi qirkerdiş û fermanan pirr o. Ewro semedê azadîya Şingalî,  semedê xopawitişî, pawitişê estbîyayîşê xo têkoşînêk yeno dayene. Seba ke Şingal wayîrê statuyî bo gerek têkoşîn bêro pîlêrkerdene.

Qirkerdişê Şingalî de ma reyna dî ke ça beno wa bibo heta ke xopawitişê cinîyan çînê bo garantîya heqê cuya ê înan çîn a. Aye ra gerek heme cinîyî zafêr wayîrê ronayîşê netewa demokeratîke û xopawitişî vejîyê. Gerek têkoşîn bêro pîlêrkerdene ke 3ê Tebaxe sey roja qirkerdişî û qirkerdişê cinîyan bêro qebulkerdene.

Rayber Apoyî verî ra tehdîtê serê şarê êzidîyan dîyî bî û hîşyar kerd ke wa rêxistinkerde tê bigêrê.  Ewro êzidîyî çarçeweya projeyê neteweya demokratîke yê Rayber Apoyî de xo rêxistin kenê. Reyna peyser agêrayîşê herra xo tewirêko erjîyaye yo. Êzidxan her roje pîlêr beno.

Hetê bînî ra tecrîdo ke leteyêkê şerê qirkerdişî yo her roje xorîyêr beno. Tecrîdê Îmrali vera Rayberê ma sey îşkenceyêkî yeno rayraberdene ke şaran rê bêro vînîkerdene. Semedê wedartişê tecîrî serkeşîya cinîyan de gerek têkoşîn bêro pîlkerdene. Bi qewimîyayîşanê peyênan ma reyna vînenê ke azadîya Rayber Apoyî azadîya heme cinîyan û şaranê Rojhelatê Mîyanên a. Gerek sîstemê îşkenceyî yê Îmrali miheqeq bêro rojnayene. Têkoşîno tewr pîl ê xopawitişî yê rijnayîşê sîstemê Îmrali yo. Bi wesîleya serrgêra 3ê Tebaxe gerek çalakîyê xurtî bêrê kerdene ke verê qirkerdişan bêro girewtene.''