Koordînasyonê KJKyî eşekerayîyêka nuştîkeye daye û veng da ke heta ke Rayberê Şarê Kurdî Abdullah Ocalanî ra xebere bêro girewtene wa her kes waran de bo.

Eşkerayîye wina ya:

''Tecrîdê serê Rayber Apoyî her roje xorîyêr beno û Rayberîya ma 23 serrî yo raştê caardişanê teberê merdimîye yê ke tarîx de nêaeyî kerdene yeno. Demo ravêrte de vera Rayberîye ma rewşê sey îşkence, mîyanê tecrîdî cezaya huceyî, qoqê ci ra birnayîşö gijikî, axûkerdiş ameyî afernayene. Reyna par pîya bi tehlukeyê Korona û şewatê Îmraliyî caardişê vera Rayberîya ma hadê xo ra vêrtî.  Netîceya nê qewimîyayîşan de bi mîlyonan kesî kewtî rewşa alarmî û heta xebergirewtişî nêvindertî. Her rey zî Rayberîye şar û têgêrayîşê ma kerdî sakîn .

Tewr peyêne de zî 15ê adare ya 2021î de derheqê rewşa cuya Rayberîya ma de çapemenîye de xeberî vejîyayî ke no raşta zî zor dano sabrê têgêrayîşê ma, şarê kurdî, cinîyan û dostanê ma. Netîceya na xebere de sere de cinî û şarê kurdî, bi mîlyonan hersbîyaye yê û seba na rewşe qerqilîyenê. Ganî lezabez Rayberîya ma dir pêvînayîş bêro kerdene.Teberê Rayberîye vînayîş û qiseykerdişê ey bi xo, ma pê xeberanê bînan bawer nêkenê.

Derheqê Rayberîya ma de hasasîyetê têgêrayîşê ma, cinîyan û şarê ma yeno zanayene. Wa na babete çew/e sabrê ma nêceribno. Êyê ke kenê ke rewşa Rayberîya ma bikerê normal û ma bimusnê ci mîyanê xeletîya pîle de yê. Ganî ê vera nê kerdişanê xo cewabê şarî rê amade bê.

Rayberîya ma ewro warê mîyanneteweyî de pê kampanyayanê azadîye yeno wayîrvejîyanene û paradîgma û fîkrê ey hetê şaran ra yenê qebulkerdene ke bîyo Rayberîya globale. Kampanyayê ke semedê azadîya Rayberîye yenê rayraberdene azadîya ci ya fîzîkîye rê mecbur kenê. Vera nayî pê xebera winayên cawabdayîş nîno qebulkerdene.

Caverdê cuya Rayberîya ma têna nenguyê ci rê zirar bêro ganî her ca bibo warê xoverdayîşî û çalakîyî bêrê kerdene. Vera nê rewşan ganî vervejîyayîşo pîl bibo. Pê xoverdayîşî ganî cewab bêro dayene. Ganî ma destûr nêdê ke rewşê winayênî bibê normal. Ma ganî pê xoverdayîş û çalakîyan zîhnîyetê faşîstî rê ramojnê ke çîyo winayên nîno qebulkerdene. Azadîya Rayberîya ma azadîya ma ya. Heta ke na rewşe safî bo, heta ke Rayberîya ma ra xebere bêro girewtene sere de cinî û ciwanî ganî her kes çalakîyan de bo.

Ma veng danê ke sere de CPT wa dezgehê mîyanneteweyî yê eleqedarî berpirsîyarîya xo bîyarê ca. Eke wina mekerê ma do înan zî sey dewleta tirke ya faşîste berpirsîyar bihesibnê. Ma ewro ra tepîya teberê azadîya Rayberîya xo qet çîyêk qebul nêkenê. Heta ke Rayberîye rehîn bo cuya ey binê tehlukeyî de ya. Ma pê ruhê xoverdayîşî yê menga adare, qerardarîya xo ya 8ê Adare Newroze zî bi çalakîyanê semedê azadîya Rayberîye ravêrnê.''