Koordînasyonê KJKyî bi bi wesîleya Roja Ziwanê Dayîke ya MÎyanneteweyîye ya 21ê Sibate eşkerayîyêke daye. Eşkerayîye de ame vatene ke kam ke ziwanê xo yê dayîke vîn bikero, her çîyê xo vîn keno û vaşt ke wa her kes wayîrê kurdkî bivejîyo.

Eşkerayîye de nê ameyî parekerdene: Roja ma de bitaybetî zî di serranê peyênan de vera kultur û tarîxê kurdan hêrişî girdî yenê kerdene. Rixmo ke ziwanê kurdî ziwanan tewr verênan ê tarîxî ra yew o hetê sîstemê hegemonîkî û welatanê Tirkîya, Îran, Sûrîye û Iraqî yeno waştene ke wa bêro  çînkerdene. Yeno waştine ke ziwanê kurdî û pîya bi heme lehçeyanê xo temamî de tarîxî ra bêro esternayene. Seba ke çar leteyanê Kurdîstanî de şarê kurdî wayîrê erdê xo vejîyeno ziwanê kurdî zî heta ewro ame pawetene. Xeyrê têkoşînê PKKyî yo ke rayberîya Serek Apoyî de yeno rayraberdene û têgêrayîşê cinîyan ê kurda ziwan û kulturê kurdan payra mend. Têkoşînê PKKyî eynî wextî de têkoşînê ciwîyayîşê kurdkî yo. Seba ke kurmanckî, zazakî, sorankî û heme lehçeyê bînî yê kurkdî bêrê ciwîyayene ma têkoşîn kenê. Ganî ma cinî têkoşînêko xurt bidê ke ziwanê kurdkî sey fermî bêro qebûlkerdene. Yew şar, yew nasnameyo ke ziwanê xo yê dayîke  vînî bikero her çîyê xo vînî keno. Ma sey cinîyan ganî wayîrê ziwanê xo bivejîyê. Semedê kurmankî û zazakîya ke vînîbîyayîşî rê rî bi bî ya têkoşîn bikerê. Ganî ma her ca de kurdkî qisey bikerê û polîtîkaya qirkerdişî pûç vejê. Ma bi ruhê azadîye kurdkî qisey bikerê, biwanê û binusê.‘‘