Koordînasyonê KJKyî vera tepişîyayîşê Leyla Guven bi eşkerayîyêka nuştekîye nêrazîbîyayîşê xo mojna.

Eşkerayîye wina ya: ''Leyla Guven sey cinîyêka kurde seba ke azadîya şar, cinîyan û merdimîye têkoşîn kerd, tepişîyayî.Xoverdayîşê cinîyan ê kurdan vera kolonyalîzm, faşîzm û dewleta tirke bêmabên dewam keno. Seserra 21. de cinîyê kurdî hînî dinya ser o rayberîye kenê. Nê cinîyî erdê Kurdîstanî ser o pêro tarîtîyan roşnî kenê û rayîr mojnenê.

Cuye û tewirê Leyla Guven seba şar û cinîyan ê kurdan mîsalêko zaf biqîmet o.  Cuya Leyla Guven cinîyan rê rayîrê azadîye mojnena. Cuya aye mojna ke eke merdimî peyê fikranê Rayber Apoyî de bibê senî benê çimeyê azadîye û têkoşînê aye zî mojna ke azadîya cinîyan û azadîya şarî pîya yê. Ma sey cinîyan ê xoverdayoxan rêzdare Leyla Guven fîraz kenê. Şar û cinîyê kurdî pê tewirê Leyla Guven sereberz ê. Leyla Guven xeta ma ya azadî ya

Dewleta tirke şexsê Leyla Guven de hêrişê raştîya cinîyan kena, wazena cinîyan bikera kole. Cinîyê kurdî naye qebul nêkenê û tewrê sîyasetî benê. Cinîyê kurdî do qet dewaya xo war nêverdê û azadîye bivisnê destî.

Cinîyan ê kurdan rayberîya Serek Apoyî û Sakîne Cansiz ra nata bi hezaran şehîdî dayî, nê cinîyî erzîyayî zîndanan. Cinîyê Kurdîstanî bi coşî têkoşînê xo dewam kenê. 

Dewaya azadîye seba cinîyan ê kurdan çimeyê estbîyayîşî yo. Ma sey cinîyan ê kurdan pê îdeolojîya Rayber Apoyî,cuya azade, embazîye bawer kenê. Ma têkoşînê xo bi qerardarî dewam kenê. Seserra 21. do binê seserra cinîyan ê kurdan. Cinîyê kurdî vera faşîzm, kolonyalîzm û îqtîdarî esasê rayberîye ser o xo ver bidê û qet teslîm nêbê. 

Seke şexsê Leyla Guven de dîyeno serfîrazî do biba yê cinîyan ke xo kenê çimeyê azadî û xoverdayîşî.

Îqtîdarê AKP-MHPyî qels bîyo game bi game keweno. Xoverdayîşê cinîyan û ê şarê ma resa a aste ke îqtîdar çin bikero. Ma do nêverdê ke no firsend destî ra şoro. Vera faşîzmî, vera sîstemê serdestîya camêrdan ma têkoşînê xo yê hemparî pîl bikerê. Rîyo faşîst, zorbaz, zûrayîn, dizd ê dewleta tirke eşkera bîyo. Nê esasê têkoşînî ser o ma hînî peynîya ci arda.''