Koordînasyonê KJKyî semedê nuştoxe û açarnayoxe Sevime Belli mesajê serweşîye weşana. Mesajî ra qismêk wina yo:

''Şarê Tirkîya çinarêra xo ya bîne vînî kerde.

Sevim Belli çinarêrêka 100 serrîye, xoverdayîşêko 100 serre û klavuza cuyeyêka nimûne!

Ma bi qehrîyayîşî eşnawit ke nuştoxe, açarnayoxa  sosyalîste, merdima pîle Sevime Belli dinyaya xo bedilnaye. Ma sey cinîyan ê kurdan hemraya xo ya ke heme emrê xo mîyanê têgêrayîşê sosyalîstî ravêrna, bi hurmet yad kenê, sere de keyeyê ci heme merdimanê ci û hemrayanê ci yê têkoşînî rê sereweşîye wazenê.

Sevime Belliya ke rolê ci yo gird mîyanê têgêrayîşê çepî yê Tirkîye de est o  bi kesîya xo zaf hetine û têkoşînê xo, peyê xo de mîrasêko gird verda. Ma do sey cinîyan kesîya ci ya şorişgêre nimûne bigîrê û keda ci tim vîrê ma, têkoşîn û zerrîya ma de bimano. Ma do kesîya ci ya şorişgêre û mîrasê ci pêrodayîşê xo de bidê ciwîyayene.

Ti paştî daye têkoşînê ma yê demokrasî û kede, ti bîya hemraya hêzanê ke  vera zextê sîstemê kapîtalîstî têkoşîn kerd.Ti çirey kesîya xo ya antî emperyalîste û enternasyonalîste ra peyser gemê nêeşte. Dejê to gird o la ti bîya kesîya şorişgêre ke şarê Tirkîya û cinîyî do tim sereberz qala to bikerê. To bi kesîya xo ya xoverdayoxe vîran de ca yê xo girewt. Cinîyî, kedkarî, şarê Tirkîya û ma cinîyê kurdan do çirey to xo vîra mekerê.

Bi hurmet û mineti ti rehet rabikewe, hemra Sevime hewn û xeyalê to yê sosyalîst şorişgêrî emanetê ma yê…''