Koordînasyonê KJKyî mesajêk şawit rayraşîyayîşê Parisî. Mesajê ra qismêk wina yo:

''Ma sere de hemrayanê xo Sakîne Cansiz (Sara), Fîdane Dogan (Rojbîne), Leyla Şaylemez (Ronahî), ê ke 9ê Çeleyê 2023yî de paytextê Fransa Paris de ameyî qetilkerdene, yad kenê. Hema qirkerdişo verên ê Parisî nêamebi safîkerdene ke qirkerdişê diyînî ame kerdene û hemraya Evîne Goyî pîya bi Hunermend Mîr Perwer û hemwelatîyê ma yê erjîyayeyî Abdurrahman Kizilî verê Merkezê Kulturî yê Ahmet Kayayî de ameyî qetilkerdene. Ganî dewleta Fransa raya diyînî serê qirkerdişî megêro. 

Hetê ma ra xora kiştox wird qirkerdişan û hêzê ke peyê ci de yê zelal ê. Talîmatê wird qirkerdişan zî hetê dîktatorê faşîstî Erdoganî ra dîyayî, hetê MÎT û Hakan Fîdanî ra ameyî caardene, wezîfeyê kiştîşî dîya Omer Gunayî yo ke ajanê MÎTî yo û Wîllîamê faşîstî. Tarîxî reyna mojna ke gama ke qala kurdan bena qanûnê Ewropa nîno caardene. Fransa heta ke nê wird qirkerdişan roşn mekero hemkarê qirkerdişan o.

Ma sey hemrayanê înan soz danê ma do meşaleyê cuya azade yo ke Sarayan, Evînan ra girewt, bikirişê û veng danê heme cinîyan ke wayîrê vîrameyîşê şehîdan ê erjîyayeyan bivejîyê.Heskerdişo raşt bi caardişê waştişanê înan mumkun o. Sere de cinîyî ganî heme kurdî Kurdîstan û Ewropa de ça beno wa bibo xopawitişê  xo rêxistin bikerê ke verê ver komplo û qirkerdişan bigêrê û hesabê qirkerdişan bipersê. Cinî û ciwanî û heme şarê ganî Ewropa, Vakur, Başûr, Rojawan û Rojhelat de wirzê payan ser û sey taqîpkerdoxê dewa têkoşînî xurtêr bikerê.

Roje roja qirkerdoxan ra hesabpersayîşî ya!

Roje roja sey Sara, Evîne têkoşînkerdişî ya!

Welatê azadî de têhetameyîşê bi Rayberîye her wextî ra nêzdî yo!

Qesasê ma do bibo şorişê cinîyan!"