Koordînasyonê KJKyî bi wesîlîeya serrgêra Qirkerdişê Parisî eşkerayîye daye û nê vatî:

 ''Ma sere de şexsê endama ronayoxe ya PKKyî û serkêşa têgêrayîşê ma yê têkoşînê azadîye Embaze  Sara û embazî Rojbîne û Ronahî  yê ke 9ê Çeleyê 2013yî de Paris de hetê dewleta tirke ya faşîste ra ameyî qetilkerdene, embaze Evîne Goyî ke Paris de ameye qetilkerdene, şorişgêra sosyalîste Rosa Luxemburga ke Berlin de ameye qetilkerdene, Sêvê Demir, Pakize Nayir û Fatma Uyar ê ke Silopî de ameyî qetilkerdene ma heme şehîdanê xo yê menga çeleyî bi hurmet û minetî yad kenê û soz danê ke ma do waştişanê înan bîyarê ca.

Têgêrayîşê azadîye yê kurdan roja destpêkerdişê têkoşînî ra nata her hela xo de bedelê girdî dayî, xover da û ewladê xo yê tewr erjîyayeyî nê semedî ra şehîd dayî. Înan têna semedê kurdan nê semedê erjanê merdimîye ê heme dinya têkoşîn kerd û sey ewladanê tewr erjîyayeyan ê merdimîye û şorişgêranê serkêşan tarîx de cayê girewt.

Nê serkêşan ra yew zî Embaze Sara ya ke ewro semedê cinîyan ê dinya bena îlham. Embaze Sara pêro emrê xo da têkoşînê azadîye yê kurdan û bi pêrodayîşê xo rayîrê Jin Jiyan Azadî akerd ke ewro her cayê dinya de hetê cinîyan ra bi qîrayîşî yeno vatene. Coka ma ewro şorişê cinîyan ê Rojawan de, xoverdayîşê cinîyan ê Şingal de yo ke vera fermanan yeno rayraberdene, xoverdayîş o ke Rojhelat de vera qanûnanê ehleqî bi qîrayîşê Jin Jiyan Azadî yeno rayraberdene û xoverdayîşê zîndanan ê Vakur û Rojawanî de yeno kerdene, ma xoverdayîşê nê pêro cinîyan de pêrodayîşê Embaze Sara vînenê.

Rayber Apo bi vatişê 'azadbîyayîşê cinîyan têkoşînê Sakine yo' heme cinîyê ke wazenê bibê azad înan rê cuyeya Embaze Sara sey rayîrê nîşan dano ke cuyeya ci tim pêrodayîş bi. Teberê têkoşîn û pêrodayîşî de yewna rayîrê cinîyan çîn o.

Embazî Rojbîne û Ronahî zî azadîya sexteye ya Ewropa rê nêxapîyayî û semedê azadîya herra xo û azadîya cinîyan têkoşîn de cayê xo girewt. Embaze Rojbîne bi xebatanê dîplomasî têkoşîn kerd ke vengê şarê kurdî bido eşnawitene. Embaze Ronahî de serranê xo yê ciwanan de xebatê muhîmî kerdî.

Ma serrgêra 12. ya Qirkerdişê Parisî de sere de cinîyî veng danê heme şarê ma û rayapêroyîya demokratîke wa semedê hesabpersayîşê qirkerdişan têkoşînî xurtêr bikerê. Ganî pêro şarê kurdî û dostê ci yê ke Ewropa de yê tewrê çalakîya girde ya 11ê çeleyî ya ke do Paris de bêro kerdene, bibê û hesabê qirkerdişanê Parisî bipersê.''