KJK: PKKyî pê şarbîyayîşî cuya alternatîfe ya azade komelkî kerde

Koordînasyonê KJKyî serrgêra 43. ya PKKyî fîraz kerde û vat: ''Ma bi xurtî wayîrê Rayber Apoyî vejîyê û bi mesuldarîya pîle wezîfeyanê xo bi serkewtişî bîyarê ca. Ma serkewtiş bivisnê destî.''

Koordînasyonê KJKyî bi eşkerayîyêka nuştekîye serrgêra 43. ya PKKyî fîraz kerde û nê vatî:

''Serrgêra 43. ya ronayîşê partîya ma PKKyî ya Rayber Apoyî, şarê ma, cinîyan, şaran ê xoverdayoxan, embazan û dostan fîraz biba. Partîya ma partîya şehîdan a. Ma şexsê Nuda Karker, Vîyane Soran, Helmet, Delal Amed, Kasım Engin, Leyla Agirî, Egîd Civyan, Yilmaz Dersim de pêro şehîdanê ma bi rêz û heskerdişî yad kenê.

Partîya ma PKK bi têkoşînê xo yê 43 serran û paradîgmaya modernîteya demokratîke bîye partîya kurd, cinî, şaranê dinya. PKKyî reyde cinîyan sîstemê serdestîya camêrdan parçe kerd û estbîyayîşê xo yo esil pratîze kerd.

PKK bi partîya cinîyan, bi pîlêr û nika zî bi partîya azade ya bitesîre. PKKyî rayberîya Rayber Apoyî de xeta têkoşîn û azadîye ya cinîyan kerde xorin û bi nê hawayî ferqê xo mojna. Estbîyayîş, felsefe û îdeolojîya PKKyî Kurdîstan de şîdetê vera cinîyan qels kerd. Coka seke Rayber Apoyî vatbi 'PKK partîya cinîyan a.'

Bi PKK û PAJKî cinîyê ma rêxistinîya xo kenê, şer kenê, benê hîşmend, benê partî û artêşe. Partîya ma PKK nika zî bîye hêvîya şaranê dinya. Netîceya keda Rayberîya ma de ewro partîya ma Rojhelatê Mîyanênî de serkêşîya şaran kena. PKK serra 43. de modernîteya demokratîke, paradîgmaya neteweya demokratîke bihêzêr pêşwazî keno. Coka ma pê kelecan ê ke pêro wezîfe û mesuldarîyanê xo bi îdîa û qeradarî bîyarê  ca.

Partîya ma serra 43. de bîye xeta vurîyayîşî ya tewr pîle. Ganî ma na serra 43. de zêdêr bîye partî, xeta Rayber Apoyî de bi Hemleyanê 'Wext Wextê Azadîye yo' û 'Vera qirkerdişê cinîyan cinîya azade û komelê azadî bipawê' wayîrê Rayber Apoyî vejîyê û bi mesuldarîya pîle wezîfeyanê xo bi serkewtişî bîyarê ca. Ma serkewtiş bivisnê destî.

Ma her ca de neteweya demokratîke awan bikerê, xeta serkewtişî de têkoşîn bikerê, serra 43. ya PKKyî bikerê serra serkewtişî, Rayber Apo azad bikerê, Kurdîstan azad bikerê. Bi nê hawayî ma do rayîrê xo ser o aver şorê.''